EAEn angulak harrapatzeko lizentzia kopurua 150era mugatuko dute aurrerantzean
Eusko Jaurlaritzak eta Euskadiko Angulero Elkarteak Euskal Autonomia Erkidegoan (EAE) angula arrantzatzeko lizentzien kopurua 150era jaistea adostu dute, jarduera hori profesionalizatu eta angularen, hots aingiraren kumeen, biziraupena bermatzeko.
Angularen arrantzak mende askoko historia du Bizkaiko zein Gipuzkoako barnealdeko arroetan, baina ez zegoen profesionalizatuta. Orain arte, harrapaketa 2000ko hamarkadaren hasieran onartutako hainbat dekreturen bidez zegoen araututa. Azken urteotan, behera egin du, modu kezkagarrian egin ere, aingira europarraren kopuruak. Egoera horren aurrean, Europar Batasunak angularen kirol arrantza debekatzea —hori da, hain justu, Euskadiko anguleroek egiten zutena— eta arrantza profesionala hiru hilabetera (azarotik urtarrilera) mugatzea ebatzi zuen 2022ko abenduan.
Debekua kolpe latza izan zen anguleroentzat. Horien ustez, "bidegabekeria" da EBk hartutako erabakia. Egoera bideratzeko, Jaurlaritzako Arrantza eta Akuikultura Zuzendaritzarekin eta beste agente batzuekin jarri ziren harremanetan. Gaur publiko egin duten akordioa "lau hilabeteko lan gogorraren emaitza" dela nabarmendu du Euskadiko Angulero Elkarteak.
Aldaketa garrantzitsuenak
Itundutakoaren arabera, gehienez 150 lizentzia partituko dira —gaur-gaurkoz 700 bat dira: 660 zutik arrantzatzeko eta 30 bat ontzitik egiteko—. Baimenen bi heren aldez aurretik adostutako baremoen arabera banatuko dituzte, eta beste herena, zozketa bidez.
Horrekin batera, AZTI zentro teknologikoa aukeratu dute arrantza kopurua zehazteko, betiere stockaren egoera kontuan hartuta. Halaber, jarraipen batzorde bat osatuko dute angularen denboraldia aztertu —azaro erdialdetik urtarril amaierara arte— eta, espeziearen egoeraren arabera, neurriak hartzeko. Batzordean, Jaurlaritzako, EAE elkarteko, AZTIko eta talde ekologista bateko kideak izango dira.
Azkenik, baimendutako bi salmenta puntu egongo dira: bata Bizkaian eta bestea Gipuzkoan (leku zehatza zehazteke dago oraindik). Bertan pisatuko dute arrantzatutakoa, eta enkante bidez saldu, ezarritako araudiaren arabera.
Akordioaren balorazioa
Ohar batean, akordioarekin pozik agertu da Euskadiko Angulero Elkartea (EAE). 2021ean sortu zuten, eta egun 200 bat bazkide ditu. Akordioaren balorazioa egiteko unean, eskerrak eman dizkie lagundu duten alderdi politiko, bazkide eta enparauei, eta esker berezia eman dio Bittor Oroz Nekazaritza, Arrantza eta Elikagaien Politikako sailburuordeari.
Hain justu, Bittor Oroz elkarrizketatu dute gaur Euskadi Irratiko "Faktoria" saioan. Akordioaz galdetuta, azpimarratu du angula arrantzari eusteko jarduera profesionalizatu eta lizentzia kopurua murriztu beharra zegoela, eta hala egin dute ituna izenpetu duten bi aldeek.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.