Endesak 594 milioi irabazi ditu urteko lehen hiruhilekoan, 2022an baino % 76 gehiago
Endesak 594 milioi euroko irabazi garbiak izan ditu 2023ko lehen hiruhilekoan, iazko epe berean baino % 75,7 gehiago, Balore Merkatuaren Espainiako Batzordeak gaur zabaldutako datuen arabera.
Konpainia elektrikoak 7.504 milioi euro irabazi ditu urtarriletik martxora, aurreko urteko aldi berean baino % 1,2 gutxiago.
Ebitda edo ustiaketa emaitza gordinari dagokionez, 1.462 milioi eurokoa izan da martxoaren amaieran, aurreko urtean baino % 60 gehiago.
Espainiako Gobernuak energia enpresa handiak negozio bolumenaren % 1,2 ordaintzera behartu ditu ezohiko zergen bidez; Endesaren kasuan, 208 milioi euro. Hala ere, emaitza positiboak izan ditu konpainiak.
Lehen hiruhilekoan lortutako emaitza horiekin, Endesak berretsi egin ditu 2023rako ezarritako helburuak, hots, 4.400-4.700 milioi euroko ustiaketa emaitza gordina eta 1.400-1.500 milioi euroko irabazi garbi arrunta.
Halaber, zor garbia % 9 murriztu du, 11.591 milioi euroraino. Pasiboaren batez besteko kostua % 2,8koa da, interes tasak gora egiten ari diren honetan.
Inbertsioak aztertuta, % 2 handitu ditu, 409 milioi euroraino. Gehienbat, berriztagarrietan eta banaketa-sareetan inbertitu du.
Zure interesekoa izan daiteke
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioak gora egin ondotik.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa zabaldu du Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi duten bidaiariei Iberiak eskainiko die Panamara joatea, eta handik, uhartera. Habanan dituen bulegoak zabalik mantenduko ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.
Donostiako alkateak eskatu du turismo zerga uda honetarako ezarri ahal izatea
Donostiako alkate jeltzaleak, Jon Insaustik, turismo zerga uda honetan aplikatu ahal izatea galdegin du, eta alderdi politikoei eskatu die foru arauaren proiektuaren zuzenketen tramitea aprobetxa dezatela, hori posible izan dadin.
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.