Horrelakoa da sindikatuek eta patronalak 2025era arte sinatutako soldata akordioa
CCOO eta UGT sindikatuek eta CEOE-Cepyme patronalak enplegurako eta negoziazio kolektiborako akordioa (AENC) sinatu dute. Horren arabera, soldatak % 4 igoko dira 2023an eta % 3 2024an eta 2025ean, eta % 1eko berrikuspen klausula ezarriko da, inflazioaren arabera.
Sindikatuek eta enpresaburuek 2023-2025 aldian "ekonomia suspertzen, enplegua sortzen eta Espainiako enpresen lehiakortasuna hobetzen lagunduko duen soldata politika" gauzatzeko asmoa adierazi dute akordio horretan.
Jarraian, hitzarmenen itun berriak jasotzen dituen puntu nagusiak ezagutuko ditugu:
Soldatak
- 2023an % 4ko soldata igoerak, eta 2024rako eta 2025erako, % 3koak
- % 1eko soldata berrikuspenaren klausula, inflazioaren arabera
- Soldata osagarriak genero ikuspegia kontuan hartuta ordenatu eta sinplifikatzea
- Askotariko ordainsari sistemetarako irizpide objektiboak
- Negoziazio kolektiboan ordainsari malguko formulak kontuan hartu ahal izango dira
Soldaten inguruan hartutako erabakiak. Argazkia: EITB Media
Kontratazioa
Gizarte eragileek kontratazioaren arloan eman dituzten gomendioek lotura zuzena dute Espainiako Gobernuarekin adostu zuten lan erreformarekin.
- Aldizkako finkoak: hitzarmen kolektiboen bidez "kontratu mota horren birtualtasun osoa" garatzea
- Lanaldi partzialeko kontratu mugagabea, enpresen eta langileen malgutasun premiei erantzuteko tresna gisa
- Gazteen eta enplegu trantsizioan dauden pertsonen kontratazioa bultzatzea, prestakuntza kontratuen eta prestakuntza dualaren bidez
Erretiro partziala eta errelebo kontratua
- Errelebo kontratuarekin erretiro partziala hartzea aitortzea eta abian jartzeko mekanismoak bultzatzea
- Erretiro mailakatu eta malguko formulak bultzatzea, bizitza aktibotik lan erretirora igarotzea errazteko
Beste batzuk
- Mutualitateen baliabideak hobeto aprobetxatzea, "osasun zerbitzu publikoen egungo eskumenak aldatu gabe"
- Negoziazio kolektiboan telelanaren inguruko akordioa garatzea eta enpleguko pentsio planak sustatzea
- Lanalditik kanpo deskonexio digitalerako eskubidea aitortzea
- Enplegu erregulazioko espedienteak defendatzea, enplegua ez suntsitzeko mekanismo alternatibo gisa
Hitzarmenak
Sindikatuek eta enpresaburuek adostu dutenaren arabera, aipatutako guztia gizonen eta emakumeen arteko benetako berdintasuna, sexu indarkeriaren prebentzioa eta lan arriskuen prebentzioaren kultura sustatzeko esparruan aplikatuko da, bai eta LGTBI pertsonentzako lantoki integratzaileak bultzatzeko esparruan ere.
Azpimarratu dutenez, oraindik hitzarmenik itxi ez duten sektore eta enpresetan negoziazioei ekiteko garaian, "beren eremuko egoera eta errealitatea oinarri hartuta bilatuko dira irtenbideak". Izan ere, alderdiek soldata egituren "arrazionalizazioa" sustatu nahi dute hitzarmenetan, ordainsarien gardentasunaren eta balio bereko lanengatik ordainsari berdina izateko printzipioak integratuz.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.