Espainiako ekonomia % 1,9 haziko da aurten, Europako Batzordearen arabera
Europako Batzordeak bost hamarren hobetu du Espainiaren aurtengo hazkunde aurreikuspena, % 1,9raino, eta hurrengo urtean % 2 haziko dela aurreikusi du. Euroguneko ekonomia handien artean Espainia haziko da gehien, Herbehereak (% 1,8), Italia (% 1,2) eta Frantzia (% 0,7) atzetik dituela.
Europar Batasuneko eta euroguneko barne produktu gordina, hurrenez hurren, % 1 eta % 1,1 handitzea espero du aurten, eta % 1,7 eta % 1,6, hurrengo urtean.
Espainiako Gobernuak azpimarratu du Espainia izango dela, hirugarren urtez jarraian, euroguneko ekonomia nagusien artean gehien haziko dena. Halaber, nabarmendu du enplegua euroguneko batez bestekoa baino gehiago haziko dela 2023an eta 2024an.
"Atzeraldirik ez, baina hazkundea moderatua izango da", laburbildu du Paolo Gentiloni Europako Batzordeko Ekonomia komisarioak. Inflazioari dagokionez, "moteltzen" jarraituko duela azaldu du, baina 2024an azpiko inflazioak "bere batez besteko historikoaren ia bikoitza" izaten jarraituko duela.
Halaber, inflazioa neguan aurreikusi baino txikiagoa izango omen da aurten Espainiako Estatuan, % 4koa, baina altua izaten jarraituko du. 2024an, ostera, % 2,7an kokatuko dela iragarri du Europako Batzordeak.
Espainiako KPIa Europar Batasuneko datutik behera geldituko da, 2023an % 6,7koa eta 2024an % 3,1ekoa izango baita.
Batzordeko agintariek ohartarazi dute azpiko inflazioak "altua" izaten jarraituko duela aurten (% 6,1) eta hurrengo urtean (% 3,2).
2024an Espainiak eta Frantziak % 3ko defizit muga gaindituko dutela aurreikusi du Europako Batzordeak, % 3,3 eta % 4,3koa izatea espero baitu. Errusiak Ukraina inbaditu ondoren, defizit muga malgutzea erabaki zuen Europak, baina 2024ko urtarrilaren 1etik aurrera berriro egongo da indarrean.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".