726 langabe gutxiago zenbatu dituzte maiatzean EAEn, eta 832 gutxiago Nafarroan
1.558 langabe gutxiago zenbatu dituzte maiatzean Hego Euskal Herrian, apirileko datuekin alderatuta: zehazki, 726 pertsona gutxiago zeuden lanik gabe EAEn (0,67ko jaitsiera), eta 832 gutxiago Nafarroan (% 2,70eko jaitsiera).
Espainiako Gobernuko Lan eta Gizarte Ekonomiako Ministerioak gaur zabaldutako datuen arabera, urte arteko datuei erreparatuta, 6.077 langabe gutxiago zenbatu dituzte Lanbiden maiatzean Araban, Bizkaian eta Gipuzkoan (% 5,36ko jaitsiera). Nafarroan, berriz, iazko datuak kontuan hartuta, 2.050 langabe gutxiago (% 6,39ko jaitsiera) zenbatu dituzte Nafarroako enplegu-agentzietan.
Gauzak horrela, guztira, 107.275 pertsona zeuden langabezian amaitu berri den hilabetean, Nafarroan, berriz, 30.012 pertsona.
Langabeziak behera egin du berriro EAEko lurralde guztietan, gizonen eta emakumeen artean, adin-tarte guztietan eta sektore guztietan. Gainera, lehen aldiz, milioi bat pertsona baino gehiago daude Gizarte Segurantzan izena emanda, EAEn.
Datuak lurraldez lurralde aztertuta, Gipuzkoan 167 langabe gutxiago daude (% 0,59 gutxiago), Bizkaian 495 gutxiago (% 0,81) eta Araban 64 gutxiago (% 0,34). Iazko hilabete bereko datuekin alderatuta, jaitsiera % 7,05ekoa izan da Gipuzkoan (2.125 gutxiago), % 5,56koa Bizkaian (3.546 gutxiago) eta % 2,09koa Araban (406 gutxiago).
Nafarroako enplegu agentzia guztietan, adin-tarte guztietan eta sektore guztietan jaitsi da langabezia. Bestalde, Gizarte Segurantzako afiliazioak marka historiko berri bat ezarri du, 306.530 pertsona baitaude izena emanda.
Espainiako Estatu osoan 2.739.110 langabe zeuden erregistratuta maiatzean enplegu bulegoetan, apirilean baino 49.260 gutxiago (% 1,8ko jaitsiera). Lan Ministerioaren arabera, zerbitzuen alorrean egindako kontratazioek eragin dute oro har langabezia kopurua jaistea.
Eusko Jaurlaritzaren eta Nafarroako Gobernuaren balorazioa
Idoia Mendia Eusko Jaurlaritzako bigarren lehendakariorde eta Lan eta Enplegu sailburuak azaldu duenez, "datu historikoak" dira. Gaineratu duenez, legegintzaldia hasi zenetik 64.000 lanpostu sortu dira.
Carmen Maeztu Nafarroako Gobernuko Eskubide Sozialen kontseilariak azaldu duenez, datu "onak" dira: batetik, Nafarroan erregistratutako langabezia 30.000 pertsonako zifra sinbolikoaren azpitik gelditu da, eta, bestetik, Gizarte Segurantzako afiliazioak marka historikoak hautsi ditu berriro.
Zure interesekoa izan daiteke
Bengoetxeak errespetu instituzionala eskatu du EHUrentzat eta premiazko bilera eskatu dio lehendakariari
Hala erantzun dio Euskal Herriko Unibertsitateko errektoreak Perez Iglesias sailburuari, ukatu egin baitu honek Eusko Legebiltzarrean unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunaren Estatutu berria: gastuen konpentsazioa, praktiken muga eta enpresei kontrol gehiago
Espainiako Gobernuak Bekadunaren Estatutuaren aurreproiektua onartu du, prestakuntza praktikoan dauden pertsonen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Urrian, langabezia-tasa % 0,60 igo da EAEn, eta % 2,04, Nafarroan, iraileko datuekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazio-kopurua % 1,32 hazi da EAEn, eta % 0,89, Nafarroan.
Petronorreko langileek greba mugagabean jarraitzen dute eta enpresa batzordeak ukatu egin du aldageletako greba dela
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.