Gazteek udan bidaiatzeko deskontuei buruz jakin beharreko guztia
Espainiako Gobernuaren Garraio, Mugikortasun eta Hiri Agenda Ministerioak % 90erainoko deskontuak aktibatu ditu 18 eta 30 urte bitarteko gazteei uda honetan garraio publikoan bidaiatzea errazteko, bai Espainian, bai Europan zehar.
Deskontuak Estatuaren eskumeneko trenen eta autobusen joan-etorriko txartel arruntetan aplikatuko dira, bai eta 2023ko ekainaren 15etik irailaren 15era bitartean bidaiatzeko data duten Interrail paseetan ere.
Onuradun izateko, beharrezkoa da hemen erregistratzea, gutxienez, lehen erosketa egin baino 24 ordu lehenago, hautagarritasun-baldintzak betetzen direla egiaztatzeko. Erregistroa egin ondoren, deskonturako txartela eskuratzean enpresa operadoreari eman beharko zaion kode bat lortuko da.
Enpresek euren sistemak egokitzen dituzten heinean jarriko dute martxan txartelen salmenta. Operadoreen ohiko webguneek eta kanalek informazio gehiago eskainiko dute.
Baldintzak
Hona hemen neurri berriaren onuradun izateko bete beharreko baldintzak:
Deskontuak
Deskontuak, txartel mota bakoitzeko. Argazkia: EITB Media
- Distantzia ertaineko tren-zerbitzu konbentzionalak eta zabalera metrikokoak: txartel arrunten eta joan-etorrikoen prezioaren % 90eko beherapena
- Avant: % 50eko deskontua billete arruntetan eta joan-etorrikoetan
- Tren-operadore guztien merkataritza-zerbitzuak edo abiadura handiko zerbitzuak: txartelaren prezioaren % 50eko beherapena, txartel bakoitzeko 30 euro gehienez ere
- Estatuaren eskumeneko autobus erregularreko zerbitzuak: txartel errazaren eta joan-etorrikoaren prezioaren % 90eko deskontua
- Interraileko Global Malguaren % 50eko deskontua, 10 egunekoa 2 hilabetean, Renferen bidez merkaturatzen denean
Zure interesekoa izan daiteke
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.