"Zentzuz" jokatzeko eta Negoziazio Mahaira itzultzeko eskatu die Erkorekak Ertzaintzako sindikatuei
Ertzaintzako sindikatuak Ertzaintzaren Negoziazio Mahaitik "altxatu" ondoren, "zentzuz" jokatzeko eta negoziazio mahaira itzultzeko eskatu die Josu Erkoreka Eusko Jaurlaritzako Segurtasun sailburuak.
Gaurko bileraren balorazioa egiteko Ertzaintzaren Txurdinagako egoitzan egin duen agerraldian Erkorekak azaldu duenez, kolektibo osoarentzako soldata igoera linealaz bakarrik hitz egin nahi izan dute sindikatuek, "legez kanpokoa" dela jakin arren.
Batetik, "pena" adierazi du gaurko batzarrean sindikatuek erakutsi duten jarrera "estu, arduragabe eta irrealistagatik", horren arabera, ez baitute hitz egin nahi izan Segurtasun Sailak herenegun helarazi zien eta 37 neurri jasotzen dituen proposamenaren inguruan. Are gehiago, sindikatuek proposatutako neurriak ere ez omen dituzte batzarrean jorratu nahi izan.
Erkorekaren hitzetan, sindikatuek egindako proposamenaren lehen balorazio azkar bat egin du Segurtasun Sailak, eta, horren arabera, aldarrikapen horien kostua 100 milioi eurokoa litzateke urtean.
Bestetik, Segurtasun sailburuak sindikatuei eskatu die "zentzuz, errealismoz eta erantzukizunez" jokatzeko, "maximalismoak" bazterrean uzteko eta negoziazio mahaira itzultzeko. Erkorekaren esanetan, elkar ulertzeko eta negoziatzeko tartea badago oraindik.
Zure interesekoa izan daiteke
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrako" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.