Ertzaintzaren zuzendaritzak "profesionaltasuna" eskatu die agenteei, "testuinguru zail" honetan
Urak harro dabiltza Ertzaintzaren barruan. Hitzarmen berri baten alde protestak abiatu zituzten duela hilabete batzuk agenteek, eta ez dirudi akordioa gertu dagoenik. Egoera bideratu asmoz, gaur, Ertzaintzaren Zuzendaritza Kontseiluak barne ohar bat zabaldu du zerbitzu eta unitate guztien artean, eta besteak beste, "testuinguru konplexu eta zail" batean egonda ere, erakundeak "babestu" behar dituen "balioak" zaintzeko eskatu die agenteei: "konpromisoa, profesionaltasuna eta euskal gizarteari zor diogun errespetua".
Halaber, agiriak hitzez hitz dio "kolektiboen artean dagoen haserre-egoera alde batera utzi ezin badugu ere", "egoerak eskatzen duen mailan" egon da eta egon behar du beti Ertzaintzak. Hori dela eta, "ertzain gisa hurrengo konpromisoak" beteko dituztela "ziur" agertu da zuzendaritza.
Horrez gain, "heritarren konfiantza" eta erakundearen "ospe profesionala" Ertzaintza osatzen duten guztien "ahalegin handiaren" emaitza direla nabarmendu du Ertzaintzaren Zuzendaritza Kontseiluak oharrean, eta "inoiz baino gehiago" horiei eustea dagokiela gehitu dute.
Hain zuzen, ErNE, Esan, Euspel eta Sipe sindikatuek eta 'Ertzainak gatazkan' kolektiboak deituta, ehunka ertzain berriro Gasteizen kalera atera diren egunean eta Frantziako Tourraren etziko aurkezpen ekitaldirako beste protesta ekintza bat iragarri dutenean zabaldu dute ertzainburuek testua.
Joan den ostiralean bildu ziren langileen ordezkariak Eusko Jaurlaritzako Segurtasun Saileko kideekin, Erandioko egoitza nagusian. Ezer adostu gabe, sindikatuak mahaitik altxatu ziren eta Josu Erkorekak zuzentzen duen sailaren "jarrera immobilista" salatu zuten.
ErNE, Esan, Euspel eta Sipe sindikatuek Jaurlaritzari erantzun diote
Bestalde, Ertzaintzako sindikatuek (ErNE, Esan, Euspel eta Sipe) erantzun diote Eusko Jaurlaritzak egindako baieztapenari, alegia, "ez lukeela ulertuko" ertzainek Tourrean segurtasuna ez bermatzea. Ohartarazi dute ertzainek "horren arabera" jokatuko dutela, eta uztailaren 1etik 3ra "dena ematera" doazela.
"Segurtasun Sailak langileen lan- eta osasun-baldintzak mespretxatzen dituela ikusita", Ertzaintzaren sindikatuek ohar batean adierazi dute agenteek "arduraz" jokatuko dutela.
Gainera, lau sindikatuek Jaurlaritzari leporatu diote "inolako irizpiderik gabe" Arkautiko ikasleak zaintzaz arduratzea, "lan horretarako gaitasunik ez dutenean".
"Eusko Jaurlaritzak behin eta berriz eskatzen du euskal gizarteari 86 urtez zerbitzua eman dioten ertzainen erantzukizuna. Baina Tourrean gerta daitekeenaren erantzukizuna langileei entzuteko gai ez den Eusko Jaurlaritzarena baino ez da izango", errepikatu dute.
Albiste gehiago ekonomia
Correosek aldi baterako etengo ditu balio txikiko paketeen bidalketak Estatu Batuetara eta Puerto Ricora
Correosek ostiral honetan ohar baten bidez jakitera eman duenez, Estatu Batuetako aduana-arauak aldatu dira, balio txikiko bidalketei aplikatzen zitzaien muga-zergen salbuespena kentzeko. Ondorioz, Correos-ek mota horretako bidalketak 24ko (igandea), 23:59ra bitartean soilik onartuko ditu.
AEBko banku zentrala interes-tasak jaistea aztertzen ari da
Jerome Powell Erreserba Federaleko presidenteak Trumpen garaiko lehen murrizketa iradoki du, eta New Yorkeko burtsak gora egin du.
Grebari amaiera emateko enpresaren eta Udalaren jarrera “arduragabea” kritikatu dute Gasteizko lorezainek
Ohartarazi dutenez, "ez da gatazkaren amaiera ikusten" eta euren lan-aldarrikapenak babesteko herritarren sinadurak biltzen hasi dira.
Europar Batasunak akordio formala itxi du AEBekin % 15eko muga-zerga orokorrerako
Automobilei muga-zergak murrizteko, baldintza da AEBko nekazaritza-produktu eta elikagaiei zergak kentzea.
Sindikatuek 138.000 sinadura baino gehiago aurkeztu dituzte Eusko Legebiltzarrean, gutxieneko soldata propioa eskatzeko
ELA, LAB, ESK, Steilas, Hiru eta Etxalde sindikatuek espero dute alderdi politikoek ekimena babestea eta Eusko Legebiltzarrak proposamena urtea amaitu aurretik onartzea.
Turista eta ostatu-gau gehiago uztailean, EAEko hoteletan
Aurtengo uztailean, mundu zabaleko hainbat herritako bisitarien kopuruak gora egin du, eta Espainiako Estatutik etorritakoen kopuruak, ordea, behera. Bestalde, 2025eko lehen zazpi hilabeteetan, sarreren eta ostatu-gauen kopuruak handitu dira, % 4,0 eta % 4,8, hurrenez hurren.
EHAAk Gasteiz bizitegi-merkatu tentsionatuko eremu izendatzeko prozedura argitaratu du
Orain alegazioak aurkezteko 20 eguneko epea irekiko da. Donostia dagoeneko ofizialki izendatu dute eremu tentsionatu, eta, Bilbori dagokionez, berriz, maiatzaren 30ean argitaratu zen prozeduraren hasiera EHAAn.
Zangozako Mina Muga meategian 270 milioi euroko inbertsioa egiteari uko egin dio Txinako Qinghai taldeak
Geoalcali filialaren bitartez, Mina Muga proiektuaren sustatzaile den Highfield Resources Limitedek ziurtatu du inbertitzaileekin hitz egiten eta finantzaketa aukera berriak aztertzen ari dela proiektuarekin aurrera jarraitzen saiatzeko.
Sagarrondoak eguzki plaken azpian: Sagardo sagarrak ekoizteko lehen instalazio fotovoltaikoa jarriko dute Gasteizen
Iberdrolaren proiektu aitzindaria da, eta energia elektriko berriztagarria ere ekoitziko du. Egitura berri horrek sagarrondoei itzala emango die, sagarraren kalitatea hobetuz.
Alstom multinazionalak berriro helegitea aurkeztu du Belgikako kontratua CAFi esleitzeko erabakiaren aurka
Konpainia frantziarrak argudio berriak azaldu beharko dizkio Belgikako Estatu Kontseiluari, orain arte organo horrek Beasainen egoitza duen enpresaren alde egin izan baitu.