2.643 langabe gutxiago zenbatu dituzte Hego Euskal Herrian ekainean
Ekainean, 2.643 pertsona gutxiago zeuden langabezian, betiere aurreko hilabetearekin alderatuta, Euskal Autonomia Erkidegoan (EAE) eta Nafarroan, Eusko Jaurlaritzako Lan eta Enplegu Sailak eta Espainiako Gobernuko Lan eta Gizarte Ekonomia Ministerioak emandako datuen arabera.
Lau lurraldeetan egin du behera langabeziak, baina bereziki aipagarria dira Nafarroako (% 2,49ko jaitsiera, 747 langabe gutxiago) eta Arabako beherakadak (%2,35, 447 langabe gutxiago). Ondoren datoz Bizkaiko datuak, % 1,66ko jaitsierarekin (1.002 langabe gutxiago) eta Gipuzkoakoak (% 1,59, 447 gutxiago).
2022ko ekaineko datuekin alderatuta ere, behera egin du langabe kopuruak. EAEn 6.263 pertsona gutxiago zeuden lan barik, % 5,61 gutxiago. Lurraldeka, honakoa izan da bilakaera: Gipuzkoan % 5,94 jaitsi da (1738 langabe gutxiago); Bizkaian, % 5,93 % (-3744 langabe) eta Araban, % 4,04 (-781 ). Nafarroan, bestalde, 2084 langabe gutxiago zenbatu dituzte, % 6,65 gutxiago.
Idoia Mendia Eusko Jaurlaritzako bigarren lehendakariorde eta Lan eta Enplegu sailburuaren aburuz, langabezia datuokin "hazkundearen bidean oreka eta egonkortasun agertokia" ikus daiteke, eta hala, "orain kalitatezko enplegua berreskuratzeko eta sortzeko norabideari eusteko unea" dela uste du.
Bestalde, Mari Carmen Maeztu Nafarroako Gobernuko Eskubide Sozialen kontseilariak "oso balorazio positiboa" egin du. Horren aburuz, enplegua "maila maximoan" dago eta langabezia 2008tik izandako maila baxuenean. Azpimarratu duenez, "datu historiko horiek" lan erreformaren eta Foru Gobernuaren enplegu politiken ondorio dira.
Espainiako Estatuan ere nabarmena izan da beherakada. 50.268 langabe gutxiago erregistratu dituzte azken hilabetean (% 1,8 gutxiago) eta 2008tik lehen aldiz, 2,7 milioi langabetik behera kokatu da (2.688.842 pertsona lan barik). Zerbitzu sektoreak eman ditu datu onenak, langabeziaren jaitsieraren % 84 atal honetan izan baita.
Langabeak emakumezko aurpegia izaten jarraitzen du
Langabeziak andrazkoei eragiten jarraitzen die beste hilabete batez —EAEn, 61.339 emakume daude langabezian, maiatzean baino 808 gutxiago, eta 17.999, Nafarroan—. Gizonezkoei dagokienez, beherakada nabarmenagoa izan da EAEn (1.088 langabe gutxiago), 44.040ra jaitsita. Foru Erkidegoan, 11.266 gizon daude lan barik.
Kontratu motari dagokionez, mugagabeek % 24,27 egin dute gora. Ekainean EAEn sinatutako 72.097 kontratuetatik 18.020 mota horretakoak izan ziren. Aipatzekoak etxeko lanetan (10 kontratu berrietatik 9 mugagabeak izan ziren) eta eraikuntzan (10etik 6) izandako gorakadak, betiere Jaurlaritzako Lan eta Enplegu Sailak emandako datuen arabera.
Sektoreka, zerbitzuetan sortu dira enplegu gehien (1.209 langabe gutxiago), baita industrian (386) eta eraikuntzan (129) ere. Nekazaritzan 63 langabe gutxiago zenbatu dituzte.
Afiliazioak gora EAEn, eta behera, Nafarroan
Halaber, Gizarte Segurantzan afiliatuta dauden pertsona kopurua apur bat hazi da EAEn (% 0,04) eta bigarren hilabetez segidan, milioi bateko mailatik gora eutsi dio (maiatzean erdietsi zen marka).
Kontrara, afiliatu kopuruak behera egin du (gutxi bada ere) Foru Erkidegoan, eta 305.559 pertsona zeuden ekainean, maiatzean baino 971 gutxiago (- % 0,32).
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".