Iberdrolak %21 handitu du mozkina, eta urte amaierarako 4.800 milioiko errekorra aurreikusten du
Iberdrolak 2.521 milioi euroko mozkin garbia izan du urteko lehen seihilekoan, hau da, % 21,5eko igoera iazko aldi berarekin alderatuta, konpainiak jakinarazi duenez.
Taldearen salmentak gora egin du 2023ko lehen sei hilabeteetan, 26.263,2 milioi eurora arte, % 7,5 gehiago, iazko aldi berean izandako 24.429,9 milioi euroen aldean.
Energiaren ustiapenaren emaitza gordina % 17,3 hazi da urtarriletik ekainera, 7.561 milioi euroraino, batez ere sareetan eta berriztagarrietan egindako inbertsioengatik, iaz Erresuma Batuan SVT tarifa arautuaren defizita berreskuratzeagatik, eta EBn ekoizpena normalizatzeagatik eta prezio hobeak egoteagatik.
Gainera, konpainiak iragarri du bide beretik jarraituko duela 2023ko bigarren seihilekoan, eta mozkin garbian % 10 inguruko igoera aurreikusten du urte osorako. Horrela, 2023rako 4.800 milioi euro inguruko irabazien errekor berria iragarri du; 2022an markak hautsi zituen, 4.339 milioi euroko irabaziarekin.
Zure interesekoa izan daiteke
Greba mugagabea bertan behera utzi dute Tubos Reunidosen
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. Momentuz bi mobilizazio egun jakinarazi dituzte: maiatzaren 26an eta 28an.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Bertan behera gelditu dira jada ekitaldi asko eta gora-beherak espero dira gaur kontzertu, antzerki eta kongresuetan.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.