% 2,7raino hazi da KPIa abuztuan EAEn eta % 2,8raino Nafarroan
Urte arteko inflazio tasa % 2,7raino hazi zen abuztuan Euskal Autonomia Erkidegoan, elikagaien prezioen igoerak bultzatuta (% 10) batez ere. Uztaileko datuekin alderatuta, % 0,5 egin zuten gora prezioek.
Estatistika Institutu Nazionalak gaur, asteartearekin, argitaratutako datuen arabera, urte arteko tasa uztailean baino hamarren bat gorago zegoen abuztuan (% 2,6tik % 2,7ra igo zen).
Gipuzkoak izan zuen, hain zuzen ere, igoera handiena (% 2,9), ondoren Bizkaiak (% 2,8) eta azkenik Arabak (% 2,2).
Sektoreak kontuan izanda, Etxebizitzan izan zuten prezioek beherakada nabarmenena (% 19,7). Gorako joera, baina, denean nabarmendu zen, Elikagaietan eta alkoholik gabeko edarietan (% 10), bereziki.
Aisialdia eta kultura ere garestitu ziren (% 7,8), baita alkoholdun edariak eta tabakoa (% 6,7), Hotelak, kafetegiak eta jatetxeak (% 6,7), Etxeko hornidura (% 5,4) eta Komunikazioak (% 4,4) ere.
Igoera hain nabarmena izan ez bazuten ere, Botiken (% 2,6), Jantzien eta oinetakoen (% 2,3) eta Hezkuntzaren eta Garraioaren (% 1,9 biek) prezioek ere gora egin zuten.
Estatuko datuei dagokienez, abuztuan % 2,6raino igo zen inflazioa, uztailean baino hiru hamarren gehiago. Gehien bat, erregaien garestitzeak eragin zuten igoera.
KPIa % 2,8raino igo da Nafarroan
Urte arteko inflazio tasa % 2,8an kokatu zen abuztuan Nafarroan.
Garraioan izan zuten prezioek gorakada handiena (% 3), baina Aisialdiak eta kulturak ere igarri zuten igoera (% 0,9). Aldiz, Hoteletan, kafetegietan eta jatetxeetan behera egin zuten prezioek (% -1,1), baita Alkoholdun edarietan eta tabakoan ere (% -0,4).
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.