Nola eskatu, gaurtik aurrera, Eusko Jaurlaritzaren eskola-garraioko laguntzak
Euskal Herriko Agintaritzaren Aldizkariak (EHAA) hilaren 26an kaleratu du eskola-garraio faltari aurre egiten laguntzeko Eusko Jaurlaritzak abiatutako programa (milioi bat euro bideratu ditu horretara). Horrenbestez, gaurtik aurrera zabalduko da laguntzok eskatzeko epea. Helburua eskola-garraiorako eskubidea duten 7.400 ikasleen familiek egin behar izan dituzten gastuak konpentsatzea da, ikasturte hasierako lehen egunetan zerbitzu hori eman ez dutelako.
Hezkuntza Sailak 0,29 euro ordainduko ditu kilometro bakoitzeko, etxebizitzaren eta ikastetxearen arteko distantziaren arabera.
Distantziak neurtzeko, "GeoEuskadi" kartografian oinarritutako tresna erabiliko da.
Etxetik ikastetxerako joan-etorriko bi ibilbide hartuko dira kontuan, lanaldi zatituko eskola-egun bakoitzeko, eta joan-etorriko ibilbide bat eskola-egun bakoitzeko, lanaldi jarraituarekin.
Familia bakoitzak seme-alaba kopuruaren arabera kobratuko du. Adibidez, familia batek hiru seme-alaba baditu, hiru laguntza jasoko ditu.
Laguntza-eskaera telematikoki zein paperean aurkez daiteke ikastetxeko zuzendaritzan.
Eskatzaileek ez dute lekualdaketak justifikatzen dituen dokumentaziorik aurkeztu beharko.
Eskaera egiteko epea irailaren 27tik urriaren 27ra bitartean egongo da zabalik.
Haur Hezkuntzako lehen zikloko, Haur Hezkuntzako bigarren zikloko, Lehen Hezkuntzako eta Derrigorrezko Bigarren Hezkuntzako eta eskola-garraiorako eskubidea duten Oinarrizko Lanbide Heziketako hirugarren mailako ikasleei zuzenduta dago deialdia.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.