Jaurlaritzak 15.025 milioi euroko aurrekontu proiektua onartu du, iazko aurrekontua baino % 5,4 handiagoa
Gobernu Kontseiluak 2024ko Euskal Autonomia Erkidegoko (EAE) aurrekontuen proiektua onartu du, 15.025,4 milioi eurokoa, hau da, iazko aurrekontua baino % 5,4 handiagoa izango da, 774,7 milioi euroko igoerarekin. Zerbitzu publikoak mantentzeko eta hobetzeko "euskarri" eta "bermatzaile" gisa planteatzen ditu Aurrekontuak Eusko Jaurlaritzak, "ziurgabetasun globalaren testuinguru honetan".
Gobernu Kontseiluaren osteko prentsaurrekoan, Pedro Azpiazu Eusko Jaurlaritzako Ekonomia eta Ogasun sailburuak gogora legegintzaldi honetako azken aurrekontu proiektua dela, eta mundu mailako ziurgabetasunek (pandemia, gerrak eta inflazio altua) gastu publikoa baldintzatuko dutela.
"Ziurgabetasun globalaren testuinguru honetan, aurrekontua gure zerbitzu publikoak mantentzeko eta hobetzeko euskarri eta bermatzaile bihurtzen da, pertsonekin, garapen ekonomikoarekin, enpleguarekin eta gure planetaren zaintzarekin konprometitutako etorkizuna eraikitzea helburu hartuta", gaineratu du.
Ziurgabetasunak ziurgabetasun, EAEko ekonomia aurten % 1,7 eta 2024an % 2,1 haziko dela aurreikusi du Eusko Jaurlaritzak. Euskal ekonomiaren hazkundea "moteldu" egingo bada ere, Europako ekonomiak baino nabarmen gehiago haziko dela adierazi du sailburuak.
Azpiazuk azaldu duenez, aurrekontu proiektua lau zutabetan oinarritzen da: pertsonak, planeta, oparotasuna eta autogobernua. "Apustu sendoa dira Euskadiko bizi kalitatea bermatzeko eta hobetzeko (Osakidetzan hazkunde handia izan da) eta haren garapen ekonomikoa eta enpleguaren sorrera sustatzeko", gehitu du.
Sailburuak emandako datuen arabera, EAEko 2024ko aurrekontu proiektuaren % 76 (10.934,4 milioi euro) gizarte politiketara bideratuko da, 653 milioi euroko igoerarekin. Aurrekontu igoerarik handiena izango duten sailak Osasuna eta Hezkuntza izango dira. Osasun Sailak izango du diru partidarik handiena (4.896,6 milioi euro) eta zenbateko horren % 79 Osakidetzara joango da. Jarraian, Hezkuntza eta Lurralde Plangintza, Etxebizitza eta Garraioak dira hazkunderik handiena izan dutenak, "hezkuntzako langileen eta etxebizitzako igoera handiagatik, hurrenez hurren".
Eusko Jaurlaritzak "apustu irmoa" egiten du inbertsio publikoaren alde, 2.000 milioi eurotik gorakoa izango baita (2023an baino % 13,5 gehiago). Halaber, I+G+Bra bideratutako aurrekontuak % 6,5eko igoera izango du, eta 700 milioi eurotik gora iritsiko da. 2021etik I+G+Bra bideratutako aurrekontua % 31 hazi da.
Aurrekontuen zati handi bat, 5.900 milioi euro, langile publikoen soldata ordaintzera bideratuko da. Iaztik, % 6,1 igo da diru partida hori, besteak beste, langile publikoen soldata % 2 igoko delako datorren urtean.
Urriaren 27an aurrekontuen proiektua Eusko Legebiltzarrean erregistratuko da, eta sailburuek agerraldia egingo dute azaroaren 6tik 8ra. Sailburuen agerraldien ostean, EH Bildurekin, Elkarrekin Podemos-IU eta PP-Cs alderdiekin balizko aliantzak lortzeko negoziazioen txanda irekiko da. Aurrekontu proiektua abenduaren 22an onartzea aurreikusita dago.
Azpiazuk onartu du "ez dela erraza" izango hauteskunde urtean beste alderdien babesa lortzea, baina uste du guztiek jakingo dutela "egoerak eskatzen duen mailan egoten".
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.