Ansola (EEE) Lopez Atxurrarekin (Petronor) lerrokatu da: "Egonkortasuna behar dugu erregulazioan"
Atzo Emiliano Lopez Atxurra Petronorreko presidenteak esandakoaren ildo beretik hitz egin du gaur Iñigo Ansola (EEE) Energiaren Euskal Erakundeko zuzendari nagusiak, eta Espainiako Gobernuak energia konpainiei ezarritako zerga berezia kritikatu du, enpresek egonkorra izango den erregulazio edo arau esparrua behar dutela iritzita. Atzo Lopez Atxurrak ohartarazi zuen "inbertsio batzuk stand by-n" geratuko direla "aurreikusi daitekeen eta egonkorra den arau esparru bat ez badago".
Ansolak Radio Euskadin gaur egin dioten elkarrizketan azaldu duenez, zaila da Repsolek, Petronorrek eta beste enpresa batzuek inbertsioak egitea joko arauak ezagutu gabe. Ildo horretan, eta futbolaren adibidea jarrita, esan du ezin direla partidako 60. minutuan joko arauak aldatu. Horren iritziz, enpresak arauak zein diren jakin behar du "ehunka milioi euro inbertitzen ari baita".
Halaber, Ansolak kritikatu du arau esparrua hainbat alditan aldatu dutela azken urteetan, eta hori enpresek behar dutenaren kontrakoa dela: "Egonkortasuna behar dute bere negozio planak funtzionatuko duen jakiteko".
Petronorren inbertsioei dagokionez, Ansolak ulertzen du Muskizko findegia hornitzeko 100 megawatteko hidrogeno instalazioa "stand by" egoeran gelditzea, ehunka milioi euroko inbertsioa dagoelako atzean eta joko arauak ezagutu gabe "zaila" delako alor horietan inbertsioak egitea.
Azkenik, galdetu du ea zergatik aplikatzen zaien zerga berezia bankuei eta konpainia energetikoei, eta beste sektore batzuei ez.
Zure interesekoa izan daiteke
Basurkok etorkizuneko proiektu industrial baten alde egin du Tubos Reunidosentzat, enpleguan ahalik eta eragin txikiena izango duena
Bizkaiko Ekonomia Sustatzeko foru diputatuak alde guztien arteko elkarrizketaren garrantzia azpimarratu du, enpresak bizi duen egoera "konplexua" dela eta.
Tubos Reunidosek Amurrioko eta Trapagaraneko lantegietako 301 langile kaleratzea proposatu du
Enpresak bideragarritasun-plan bat aurkeztu dio enpresa-batzordeari, tartean Amurrioko altzairugintzaren jarduera etetea, langileen irteerak eta zorra berregituratzea barne, industria-proiektuaren jarraipena bermatzeko.
Makinisten grebaren jarraipena % 100ekoa izaten ari da, sindikatu profesionalaren arabera
Zenbait zerbitzu bertan behera utzi dira eta atzerapenak ere izan dira. Renfek dioenaren arabera, greba egiten ari diren langileen kopurua ez da % 12ra heldu.
Sindikatuek nabarmendu dute Tubos Reunidosen Amurrioko lantegiko grebaren lehen txandan jarraipen "erabatekoa" izan dela
Langileek elkarretaratzea egin dute berriro goizeko zazpietatik aurrera, Arabako lantegian, eta bertan jarraituko dute langileen ordezkarien eta enpresaren artean aurreikusitako bilerak amaitu arte. Enplegu-erregulazioko espedienteak zenbat langileri eragingo dien jakinaraziko dute orduan.
Tubos Reunidosek 71,3 milioi euroko galerekin itxi du 2025eko ekitaldia, behin betiko emaitzen zain
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBko jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan, Bilboko eta Donostiako aldirietako bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuztea hasi dute, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.