Urbas enpresa sustatzaileak alokairuan jartzeko 143 etxebizitzako proiektua saldu dio Q-Livingi, Bilbon
Urbas enpresa sustatzaileak alokairuan jartzeko etxebizitzaren merkatua bultzatzen jarraitzen du. Hala, duela hiru hilabete M&G Erresuma Batuko funtsari alokairuko 300 etxebizitzatik gora saldu eta gero, orain iragarri du Q-Living enpresari babes ofizialeko 143 etxebizitza eraikitzeko proiektua saldu diola, 24 milioi euroren truke.
Etxebizitza multzo hau ere Zorrotzaurreko uhartean eraikiko dute, Bizkaiko hiriburuan azken urteetan garapen urbanistiko handiena izan duen inguruan, eta 143 etxebizitza aurreikusten ditu, 9 eta 10 solairuko bi dorretan banatuta. Bat, bi eta hiru logelako etxebizitzak izango dira, eta 2026an alokatzeko prest egotea aurreikusten da.
Bestalde, 185 aparkaleku plaza, 143 trasteleku, bizikletentzako aparkalekuak, berdegune eta lorategiak eta hiru merkataritza-lokal ere egiteko asmoa dute eremu horretan.
Proiektu berriak eraginkortasun energetikoaren A etiketa lortu nahi du; izan ere, Urbas enpresak etxebizitza eraginkorrak eraikitzea du helburu, ur sistema eta energia berriztagarridunak eta alokairu sozial eta eskuragarriak oinarri dituztenak.
Proiektuaren kotizaziorako diru-sarrerak 30,5 milioi eurotik gorakoak dira, Eusko Jaurlaritzak alokairu eskuragarriko etxebizitzak sustatzeko 6,5 milioiko dirulaguntza eman ondoren. Urbasek eskaera formalizatu du dagoeneko.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.