AHTaren Bilboko sarbiderako lanak 2026an abiatuko dira, 226 milioi euroko aurrekontuarekin
Eusko Jaurlaritzaren Gobernu Kontseiluak gaur baimendu du abiadura handiko trena Bilbora sartzeko Garraio Sailak eta eta ADIF Alta Velocidad erakundeak egin zuten hitzarmena. Iñaki Arriola sailburuaren hitzetan, lanak 2026an hasi eta 2033an amaituko dira eta 226,53 milioi euroko aurrekontua izango dute.
Gaur onartu den hitzarmenak hamar urteko indarraldia izango du, baina beste zazpi urtez luzatzeko aukera izango da. Denbora horretan, Bizkaiko hiriburuko Abando geltokira sartzeko zabalera estandarra duen korridorea sortu beharko da. Horretarako, 6,2 kilometro luze izango den tunel bat egin beharko da, Galdakao-Basauri tartetik Bilboko erdialderaino.
Eusko Jaurlaritzak 226,52 milioi euroko aurrekontua (BEZa barne) izango du horretarako: 5,2 milioi euro proiektua idazteko eta 208,02 milioi euro obrak egikaritzeko. Bertan sartuko dira gainera, eragindako zerbitzuak berrezartzeko eta ingurumen-integrazioko, segurtasuneko eta osasuneko kostuak.
Lan hauek ez dira Kupoaren bidez finantziatuko, Gipuzkoako adarrekoak egiten diren bezala. Kasu honetan, ADIF Alta Velocidad erakundearen aurrekontuen parte izango dira eta, lanak egin ahala, ordainketak egiten joango da.
Eusko Jaurlaritzak bere gain hartuko dituen lanez gainera, ADIFek beste zeregin batzuk ere egingo ditu tarte horretan: 53,59 milioi euroko kostua izango duten gainegitura lanak (bideak, elektrifikazioa, segurtasun- eta komunikazio-instalazioak eta trenbidekoak ez diren segurtasun-instalazioak) eta eraikuntza-proiektua behin betiko onartu, gainbegiratu eta obrak hartzea.
Albiste gehiago ekonomia
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".
Hasi dira Avanza Gipuzkoa autobus konpainiako langileek antolatutako grebak
Asteburu honetan hasi dira lehen greba egunak, eta hurrengo asteburuetan ere luzatuko da.
Goia: ''Badirudi tasa turistikoa ezartzearen atarian gaudela''
Donostiako alkateak esan du horixe nahi izan dutela "beti", "turismoak sortzen duen aberastasunaz hiria ere aprobetxatzeko".
Emakumeen laneratzea, EAEko gizarteak azken 40 urteetan bizi izan duen aldaketa nagusienetako bat
1985. urtean, enplegu bat zeukaten pertsona guztien artean % 28 soilik ziren emakumeak. Gaur egun, ia erdiak dira (% 48). Etxetik kanpora lan egiten duten emakumeen ehunekoari begiratuta, aldeak oso handiak dira: % 31 80ko hamarkadan eta % 72 orain.