Espainiako Gobernuak behin betiko onartu du AHTren Bilboko sarrera eta Abandoko geltokiaren proiektua
Espainiako Garraio, Mugikortasun eta Hiri Agenda Ministerioak behin betiko onarpena eman dio Abiadura Handiko Trenaren (AHT) Bilboko sarbideari eta Abandoko lurpeko geltoki berriari dagokion azterketa informatiboari. Abiadura Handiko Trena Lapatza (Basauri) parean egingo den tunel batetik barrena iritsiko da Abandoko lurpeko geltoki berrira, Espainiako Gobernuak aukera horren alde egin baitu.
Gaur Espainiako Aldizkari Ofizialean (BOE) argitaratutako azterlanak Bilborako sarrera nolakoa izango den zehaztu du. Tunela Lapatza inguruan hasi eta Zabalburuko egungo geralekuraino iritsiko da. Handik, pantaila artean sartuko da Abandoko geltokira.
Iazko otsailean EAEko erakunde nagusiek eta Espainiako Gobernuak akordioa sinatu zuten Abiadura Handiko Trena Bilbora lurpetik sartzeko eta Abandoko geltokia lurperatzeko.
Abiadura Handiko Trenaren iritsierak inguruaren eraldaketa ahalbidetuko du. Besteak beste, 38.000 metro karratu berri sortuko dira erabilera publikorako eta beste 28.000 metro karratu etxebizitzak egiteko eta jarduera ekonomikoetarako, eta San Frantzisko eta Bilbo Zaharra hiriaren erdigunearekin lotuko ditu, orain trenbide guneak banatzen baititu.
AHTa Bilbon lurperatzeko protokoloaren arabera, Eusko Jaurlaritzak bere gain hartuko du proiektuaren obra zibila. Horrela, finantzazioa aurreratu eta lanen zati bat gauzatuko du, baina ondoren Espainiako Gobernuak dirua itzuliko dio Kupoaren bidez, AHT sarea Estatuaren azpiegitura bat delako.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua; Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.