AHT Bilbon eta Gasteizen lurperatzeko protokoloak sinatu dituzte Espainiako Gobernuak eta EAEko erakundeek
Abiadura handiko trena (AHT) Bilbon eta Gasteizen integratzeko protokoloak sinatu dituzte Espainiako Gobernuak eta EAEko erakundeek. Bi hiriburuetan geltokiak lurperatzeko konpromisoa berretsi dute akordioek, baina Bilboren kasuan, Basaurik behin-behineko geltokia hartuko du Bizkaiko hiriburuaren lurpeko azpiegitura eraiki bitartean. Protokoloek ez dute finantziaziorik zehazten, ezta obrak amaitzeko epeak ere.
Iñaki Arriola Lurralde Plangintza, Etxebizitza eta Garraioetako sailburuak, Raquel Sanchez Garraio, Mugikortasun eta Hiri Agenda ministroarekin, Ramiro Gonzalez Arabako ahaldun nagusiarekin eta Juan Mari Aburto eta Gorka Urtaran Bilboko eta Gasteizko alkateekin batera, AHT Bilbon eta Gasteizen trenbideak integratzeko protokoloak sinatzeko ekitaldian parte hartu du.
Espainiako Gobernuaren Ordezkaritzan egindako ekitaldian, Garraio Ministerioak eta Euskal Autonomia Erkidegoko erakundeek (Eusko Jaurlaritza, Arabako Aldundia eta Bilboko eta Gasteizko udalak) hiriburuetan abiadura handiko trena (AHT) integratzeko lanak banatu dituzte protokoloan, baita Abando eta Dato geltokian lurperatzeko obrak ere.
Iragan abenduan, aurrekontu orokorren negoziazioan zehar, Moncloak eta EAJk itxitako akordioaren arabera, Eusko Jaurlaritzak lan gehienak hartuko ditu bere gain.
Garraio Ministerioak proiektua zuzentzeari utziko dio nolabait, aldez aurretik Gipuzkoako tartearekin egin bezala, baina lan burokratiko batzuk aurrera eramango ditu Espainiako Gobernuak, baita trenen trafikoari eragiten dion oroz arduratzea ere.
Iragan abenduan iragarri bezala, Eusko Jaurlaritzak bi proiektuen obra zibila bere gain. Horrela, finantziazioa aurreratu eta lanen zati bat aurrera eramango du, baina ondoren Espainiako Gobernuak dirua itzuliko dio (Kupoaren bidez), AHT sarea Estatuaren azpiegitura bat delako. Hitzarmenak erakundeen borondatea berretsi du, esparru guztietan lankidetzan aritzeko.
Gorka Urtaran Gasteizko alkatea ez da eperik ematen ausartu, eraikuntza proiektuaren xehetasunen berri izan arte, baina "baikor" agertu da prentsaurrekoan.
Juan Mari Aburto Bilboko alkatea "pozik" agertu da sinadurarekin. "Proiektua bilbotarrentzako, bizkaitarrentzako eta euskal herritarrentzako ona" izango dela ziurtatu du alkateak. "Argi daukat, proiektua asko luzatu da", onartu du Aburtok. "Horregatik, konfiantza berreskuratzea oso garrantzitsua da", azpimarratu du agintariak. "Hau benetako hasiera da", gaineratu du.
Raquel Sanchez Garraio ministroak iragarri duenez, Gasteizen AHT integratzeko lanen oinarrizko proiektua urteko lehen hiruhilekoan lizitatuko da. Era berean, Arkautiko lotunearen oinarrizko proiektua "laster" lizitatuko dutela baieztatu du ministroak.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.