Gasteizko Michelingo gehiengo sindikalak eta zuzendaritzak lantaldea murrizteko akordioa lortu dute
Gasteizko Michelineko enpresa batzordeak multinazionalaren proposamena onartu du gaurko bileran, eta, ondorioz, zuzendaritzaren arabera "soberan" dauden 150 langileri "neurri ez traumatikoak" aplikatuko zaizkie. Zehazki, borondatezko irteerak, errelebo kontratuak edo langileak Gasteizko beste sekzio batzuetara edo Espainiako beste lantegi batzuetara mugitzea proposatu du multinazionalak.
Enpresa batzordearen baitan, zatiketa agerikoa izan da. CCOO, UGT eta CSIF sindikatuek alde bozkatu dute, ELA, LAB, ESK eta CGTk, kontra, eta CCM, ostera, abstenitu egin da.
Michelineko zuzendaritzak borondatezko irteerak, errelebo kontratuak edo langileak beste lantegi batzuetara mugitzea proposatu du, inor kaleratu gabe plantillan 150 langile gutxiago izateko. Alde batetik, langileak beste zeregin batzuetan jarri edota beste lantegi batzuetara mugituko dituzte. Bestetik, borondatezko irteerak aurreikusi dituzte, lan egindako urte bakoitzeko 33 egun ordainduta (18 soldata edo 78.000 euro gehienez). Azkenik, errelebo kontratua 1962an jaiotakoei ere eskainiko zaie, eta lanaldiaren % 20 egingo dute erretiroa hartu arte.
Halaber, langileek urtarrilaren 15era arte egin beharko dute eskaera.
Orain, zuzendaritzak 650 langileri jakinaraziko die beren lan baldintzak aldatuko zaizkiela; bost taldetan lan egitetik (hiru lanean eta bi atsedenean) lau edo hirurekin lan egitera igaroko baitira.
Bestalde, enpresak hitzeman du sei hilabeteko epean ez duela ekoizpenaren jaitsieragatik kaleratzerik egingo.
UGTren arabera, "konfrontazioaren eta mehatxuaren aurrean, elkarrizketa eta negoziazioa da konponbidea". Halaber, azpimarratu du ez dela "irteera traumatikorik izango".
Ramiro Gonzalez Arabako ahaldun nagusiaren esanetan, albiste "ona" eta "garrantzitsua" da Gasteizko Michelineko zuzendaritzak eta langileen batzordeak lortutako akordioa.
Zure interesekoa izan daiteke
Donostiako alkateak eskatu du turismo zerga uda honetarako ezarri ahal izatea
Donostiako alkate jeltzaleak, Jon Insaustik, turismo zerga uda honetan aplikatu ahal izatea galdegin du, eta alderdi politikoei eskatu die foru arauaren proiektuaren zuzenketen tramitea aprobetxa dezatela, hori posible izan dadin.
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.