Legebiltzarrak Enpleguaren lehen Euskal Legea onartu du, "lan duina aitortzen duena"
Eusko Legebiltzarreko Osoko Bilkurak Enpleguaren Euskal Legea onartu du ostegun honetan, Idoia Mendia bigarren lehendakariorde eta Enplegu eta Lan sailburuak adierazi duenez, "pertsonak eta haien eskubideak oinarri" dituen legea. "Euskadik, lehen aldiz, lan duina aitortu eta definitzen du", nabarmendu du.
EAJk eta PSE-EEk osatzen duten gehiengo osoari esker onartu dute legea. PP, Ciudadanos eta Elkarrekin Podemos abstenitu egin dira, eta EH Bilduk eta VOXek kontrako bozka eman dute.
Mendia sailburuak nabarmendu duenez, lege honekin "gaur beste maila bat igo da autogobernuaren eraikuntzan", "enpleguaren kalitatea, bidezko soldata, segurtasuna, aukera-berdintasuna eta aniztasun inklusioa bermatzen dituen legea" baita, horren hitzetan, gaur onartu dena. "Lanbideri buelta eman nahi izan diogu", esan du, eta gaineratu du xedea ez dela soilik enplegu gehiago sortzea, "baizik eta enplegu hobe bat sortzea".
Neurri berri honekin Jaurlaritzak lan arloa "atontzea" du xede . Horretarako, sare bat osatu nahi du, enpleguaren munduan lanean dituen 300 agenteak batzen dituena. Informazioa partekatzea eta lan eskaintzen datu base bakarra sortzea bilatuko du sare horrek.
Pazis Garciak (EH Bildu) etsigarritzat jo du testua, eta Legebiltzarreko oposizioko lehen taldearen eta Euskadiko gehiengo sindikalaren ezezkoa jaso duela gogorarazi du. EAJk eta PSE-EEk Confebasken "betoa" onartu dutela iritzi dio Garciak, kooperatibek Lanbiden duten presentzia ez gauzatzeko, figura juridikoaren aldaketarekin "izaera publikoa ahulduko" duen erakundea baita.
Jon Hernandezek (Elkarrekin Podemos-IU) onartu du legea "positiboa" dela, baina ez dela nahikoa, eta Lanbideren izaeraren aldaketaren aurka azaldu da, "kanpora atetzeko" aukerak zabaltzen dituelako.
Laura Garrido PPko legebiltzarkideak bere taldearen abstentzioa iragarri du; izan ere, horren aburuz, popularre zuzenketak atzera botata "gai batzuk modu zehatzagoan sartzeko edo zehazteko aukera galdu" dela. Hala, albiste txartzat jo du Lanbideren izaera juridikoa aldatzea, uste baitu "askoz kontrol gutxiago" egongo dela, baita "gardentasun gutxiago" ere, eta "kudeaketak ez duelako hobera egingo".
Voxeko legebiltzarkide Amaia Martinezen arabera, lege-testu hori "ez da beharrezkoa": "Gaur egun euskal legeak jasotzen dituen funtsezko baldintzak garatzeko lege-estaldura nahikoa dago", adierazi du.
Jaurlaritzako taldeetatik, Jon Aiartzak (EAJ) nabarmendu du bere taldeak "lege honek ahalik eta adostasun handiena izatearen aldeko apustua" egin duela, "eskua luzatuta", eta Jaurlaritzaren eta alderdi politikoen "apustu sendoa eta serioa" azpimarratu du, "Lanbide ardatz duen enplegurako gobernantza integralaren eredu berri bat" bultzatzeko.
Ekain Ricoren (PSE) iritziz, Lanbide "prest egongo da euskal herritarren beharrei erantzuteko". "Hau lege ona da Euskadiko langileentzat", azpimarratu du. Jose Manuel Gil Ciudadanoseko legebiltzarkideak ez du eztabaidan parte hartu.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".