Langabezia % 2,72 jaitsi da urte amaieran EAEn, eta % 5,13 Nafarroan, 2022arekin alderatuta
2023. urtearen amaieran 107.779 langabe zeuden Euskal Autonomia Erkidegoan (EAE), aurreko urteko epe berean baino % 2,72 gutxiago, Espainiako Lan Ministerioak eta Eusko Jaurlaritzako Lan eta Enplegu Sailak gaur goizean zabaldutako datuen arabera. Nafarroan 29.988 pertsona zenbatu dituzte lanik gabe, eta iazko abenduarekin alderatuta, langabeziak % 5,13 egin du behera.
Azarotik abendura, langabezia % 0,34 jaitsi da EAEn (373 pertsona), eta % 0,57 Nafarroan (172 pertsona).
Iazko urte amaierarekin alderatuta, langabeen kopuruak behera egin du EAEn (3.019) eta Nafarroan (1.622).
Lurraldez lurraldeko datuei erreparatuta, 1.018 langabe gutxiago daude Gipuzkoan (% 3,46), 2.057 gutxiago Bizkaian (% 3,30) eta 56 gehiago Araban (% 0,29). Azken hilabetean Bizkaian langabeziak behera egin du, 642 langabe gutxiagorekin (% 1,05). Araban eta Gipuzkoan, aldiz, 138 eta 131 langabe gehiago zenbatu dituzte, % 0,73 eta % 0,46 gehiago, hurrenez hurren. Guztira, 28.419 pertsona daude lanik gabe Gipuzkoan, 60.304 Bizkaian eta 19.056 Araban.
2.707.456 langabe zeuden Espainiako Estatuan 2023. urtearen amaieran, 2007tik izandako kopururik txikiena. Azarotik abendura 27.375 pertsona gutxiago zenbatu dituzte, eta 2022ko abendutik 2023ko abendura, 130.197 pertsona gutxiago (% 4,6).
EAEko afiliazioak marka historiko berri bat ezarri du: 1.012.947 pertsona
Gizarte Segurantzako afiliazioak marka historiko berri bat ezarri du Euskal Autonomia Erkidegoan, 1.012.947 pertsona baitaude izena emanda. EAEk duela urtebete baino 18.870 afiliatu gehiagorekin amaitu du urtea ( % 1,90), gaur goizean Gizarte Segurantza, Inklusio eta Migrazio Ministerioak gaur goizean zabaldutako datuen arabera.
Abenduan azaroan baino 1.716 afiliatu gehiago erregistratu dituzte EAEn (% 0,17).
Nafarroan 2022ko abenduan baino 5783 afiliatu gehiago daude (% 1,93). Guztira, 2023ko urte amaieran Gizarte Segurantzan izena emandakoak 305.749 dira. Azken hilabetean, ostera, afiliatu kopuruak % 0,69 egin du behera (2.117 pertsona).
Kontratazioa
Kontratazioari dagokionez, azken hilabeteetako joera mantendu da EAEn. Guztira, 54.415 kontratu berri sinatu ziren 2023ko abenduan eta horietatik % 21,71 izan ziren mugagabeak (11.812 kontratu).
Nafarroan, 19.166 kontratu berri sinatu dira, horietatik 3.814, mugagabeak.
Eusko Jaurlaritzaren eta Nafarroako Gobernuaren balorazioa
Idoia Mendia Eusko Jaurlaritzako bigarren lehendakariorde eta Lan eta Enpleguko sailburuak nabarmendu duenez, enplegu eta afiliazio datuek lan merkatuaren "sendotasuna" agerian uzten dute. Gizartearen zahartzearen ondorioz erretiratutako pertsonen kopuruak gora egin badu ere, inoiz baino pertsona gehiago daude Gizarte Segurantzan izena emanda. "Adierazle horiek ekonomia sendoenak dira", gaineratu du.
Mendiak azaldu duenez, 2023an lehen aldiz milioi bat afiliaturen langa gainditu da eta "2024ak enpleguaren aldeko politika publikoak sendotzeko balio behar du".
Mari Carmen Maeztu Nafarroako Gizarte Eskubideen eta Enplegu kontseilariak langabezia eta afiliazio datuen balorazio "oso positiboa" egin du. Gobernuak igorritako bideo batean kontratazioaren igoera ere nabarmendu du, batez ere kontratu mugagabeena.
Horrenbestez, "kalitate handiagokoa eta egonkorragoa izango den lan merkatu bat lortzeko pausoak ematen jarraitzen dugu", gehitu du. Dena den, 2024ko erronka nagusiak langabezia tasa murriztea eta enplegagarritasuna hobetzea direla onartu du. Horri lotuta, lanik gabe dauden hamar pertsonatatik zazpik ez dute prestakuntzarik.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.