Gutxieneko soldata Europar Batasunean: Luxenburgoko 2.387 euroetatik, Bulgariako 399 euroetara
Lanbide arteko gutxieneko soldataren Europar Batasuneko rankingean zazpigarren tokian dago Espainia, 1.080 eurorekin (14 ordainsari), 2023an % 8ko igoera izan ondoren, eta seigarrenean Frantzia, 1.709rekin (12 ordainsari), iaz % 3,87 gora eginda. Zerrendan aurrena Luxenburgo dago eta azkena Bulgaria, 2.387 eta 398 euroko gutxieneko soldatarekin, hurrenez hurren.
Eurostat EBko estatistika agentziak bildutako datuen arabera, Luxenburgoren atzetik, 2023an Alemania (1.987 euro, 12 ordainsaritan), Belgika (1.955 euro), Herbehereak (1.934 euro), Irlanda (1.909 euro) eta Frantzia (1.709 euro) izan ziren gutxieneko soldata altuena zuten herrialde europarrak. Nabarmentzeko datuen artean, Alemaniakoa: herrialde horretan % 14,86 igo zen gutxieneko soldata iaz.
Sailkapena hiru mailatan banatuta, Espainia erdikoaren goiburuan dago, Esloveniaren aurretik. Azken hori zen, aurreko urtera arte, zazpigarren lekuan zegoen herrialdea. 1.203 eurokoa da gutxieneko lansaria han.
Hirugarren blokean gutxieneko soldata 1.000 euroz azpikoa den herrialdeak daude. Azken lekuan Bulgaria dago, eta horren aurretik Zipre (940 euro), Portugal (886 euro), Grezia (831 euro), Errumania (606 euro) eta Hungaria (578 euro).
Eurostatek emandako zenbakiek 12 ordainsari hartzen dituzte aintzat, eta ez 14, Europako herrialde gehientsuenetan 12 saritan ordaintzen baita gutxieneko soldata. Bestalde, EBko herrialde guztiek ez dute legez ezarrita lanbide arteko gutxieneko soldata. Danimarkak, Italiak, Austriak, Finlandiak eta Suediak, esaterako, negoziazio kolektiboen bidez ezartzen dute langileek jaso beharreko gutxienekoa.
Ziprek, berriz, 2023an txertatu du legedian lanbide arteko gutxieneko soldata.
Zure interesekoa izan daiteke
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintarentzat: esportazioek gora egin arren, gutxiago fakturatu dute
Txinaren "mehatxuaren" aurrean, automozioak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".