Sindikatuek anbulantzien aurkako sabotajeak gaitzetsi dituzte eta adierazi dute ez dakitela nork egin dituen
Arabako, Bizkaiko eta Gipuzkoako anbulantzietako langileak grebara deitu dituzten sindikatuek anbulantzien aurkako sabotajeak gaitzetsi dituzte, baina nabarmendu nahi izan dute Bermeon bihotz-biriketako geldialdian zegoen emakume bat artatzera joan behar zuten anbulantziek ez zutela erasorik jasan.
Ertzaintzak ikerketa abiatu du Bermeon larunbat goizaldean hil zen emakume baten heriotzaren inguruan, argitzeko anbulantzien sabotajeen ondorioz atzeratu ote zen zerbitzua, eta horregatik ez zen garaiz iritsi.
La Pau anbulantzia-kooperatibak salatu duenez, asteburuan Gernika-Lumoko larrialdi-zerbitzuko anbulantzia bat saboteatu dute, gurpilak zulatu eta beirak hautsi dizkiote, Bermeoko 71 urteko emakume bat artatzera zihoala. Anbulantzia hori Gernika-Lumoko basetik zihoan, Bermeoko baseko anbulantziak aurretik sabotajea jasan duelako, eta, ondorioz, ezin izan duelako larrialdi-irteera hori egin.
Hala ere, Antonio Frechilla LSB-USO sindikatuko ordezkariak gertaturikoari buruzko beste bertsio bat eman du. Hedabideei egindako adierazpenetan adierazi duenez, Gernikatik Bermeora emakume bat artatzera joan zen anbulantzia ez zen greban daudenetako bat, medikalizatua eta Osakidetzako langileena baizik. Horren arabera, "ez zuten saboteatu" eta gaixoa eraman ez bazuten suspertzea lortu ez zutelako izan zela. Ildo horretan, enpresari "maltzur" jokatzea aurpegiratu dio.
Bermeoko Udalak azalpenak eskatu ditu 71 urteko herritarraren heriotzagatik
Bermeoko Udalak doluminak eman dizkie larunbatean hildako 71 urteko emakumearen senideei, eta zer gertatu zen azaltzeko eskatu dio anbulantzia zerbitzua eskaintzen duen La Pau kooperatibari.
Irailetik 230 anbulantziari eraso diete
Ustez asteburuan gertaturikoa ez da sabotaje bakarra izan, irailaren 1tik 230 anbulantziari eraso egin dietela baieztatu baitu Josu Erkoreka Eusko Jaurlaritzako Segurtasun sailburuak.
Eraso guztiak salatu dituztela eta Ertzaintza horiek ikertzen ari dela gaineratu du.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).