Aurrerabideak, Ipar Euskal Herriko eta Nafarroako sagardoak Euskal Sagardoa jatorri deituran sartzeko
Nafarroako eta Ipar Euskal Herriko sagar eta sagardo ekoizleak Euskal Sagardoa jatorri deituran sartzeko prozesuan aurrerabide garrantzitsuak eman dituzte Eusko Jaurlaritzak, Euskal Hirigune Elkargoak eta Nafarroako Gobernuak sinatu berri duten akordioarekin.
'Euskal Sagardoa-Sidra del País Vasco-Cidre du Pays Basque-Euskal Sagarnoa' da Euskadi, Nafarroa eta Ipar Euskal Herriko ekoizleak (guztira 400 sagar-ekoizle eta 60 sagardogile) hartuko dituen jatorri deitura berriaren izena, eta Europako mugaz gaindiko lehen sor-marka izango da.
Ostiral honetan eman dute akordio horren berri Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak; Joseba Erramundeguy Euskal Hirigune Elkargoko Mugaz gaindiko, Europako eta Nazioarteko kontseilariak; Jose Maria Aierdi Nafarroako Landa Garapen eta Ingurumen kontseilariak, eta, sagardo sektorearen ordezkari gisa, Unai Agirre Euskal Sagardoa Jatorri Deiturako zuzendariak eta Bixintxo Aphaul Domaine Bordattoko sagardogileak.
Tapiak azaldu duenez, azken hilabeteotan Pirinioetako bi aldeetako sektoreak proposamen bat lantzen aritu dira, INAO Frantziako Jatorri eta Kalitatearen Institutu Nazionaleko eta HAZIko teknikarien laguntzarekin, eta Eusko Jaurlaritzaren eta Euskal Hirigune Elkargoaren babesarekin, eta behin akordioa lortuta, Frantziako eta Espainiako Ministerioei helarazi zaie.
Tapiaren esanetan, bi ministerioek "martxan jarri dute prozesua", eta behin herrialde bakoitzeko tramitazioak pasatuta, "Bruselarekin Euskal Sagardoaren ezaugarrien izapidetze administratiboak lotzear gaude".
Erakundeek uste dute jatorri deitura komuna datorren udarako egongo dela martxan, eta, beraz, ziurtatzen duen lehen sagardo uzta 2024ko irailerako edo urrirako izango litzateke.
Sailburuaren arabera, "Europan ez dago araudi bakarrarekin funtzionatzen duen mugaz gaindiko beste jatorri deiturarik", eta "eremu geografikoa zabaltzeaz gain, mugaren alde bietako sagar motak araudi berean sartzea" adostu dutela gaineratu du.
HAZIko Kontrol eta Zertifikazio arloa dagoeneko hasia da INAOrekin harremanetan Frantzian ere homologatua izateko eta jatorri izenaren zertifikazioa HAZIk egin dezan.
Erramundeguyk Eusko Jaurlaritzarekiko "lankidetza" nabarmendu du, eta "gure ondare eta kultura komunaren" isla den "kalitatezko produktu enblematiko" horrek hartuko duen "mugaz gaindiko dimentsioa" azpimarratu du.
Bestalde, Aierdik nabarmendu du proiektuan parte hartzen duten hiru administrazioek "asko" dutela komunean, "iruditeria" partekatzen dutelako, baina baita "tokiko produktuei laguntzeko eta bultzatzeko estrategia" eta landa-eremu "bizi eta aktibo" baten aldekoa ere.
Azkenik, horren aburuz, bide burokratikoa "ez da erraza izango", baina erakundeek "eskutik joateko borondatea" dute arlo horretan.
Bruselaren oniritzia jaso bezain pronto, Nafarroako sektorea Euskal Sagardoa Jatorri Deiturako kide izatera pasatuko da. Nafarroako sagar-ekoizle eta sagardogileak ere Euskal Sagardoan sartzeko prozedurari heltzeko konpromisoa hartua dute Kontseilu Arautzaileak, Eusko Jaurlaritzak eta Nafarroako Gobernuak.
Zure interesekoa izan daiteke
Osasun Ministerioari "ez entzutea" egotzi dio Martinezek, eta esan du Osakidetza guardien eredua aldatzeko prest dagoela
Medikuen bosgarren greba astearen atarian, Osasun sailburuak onartu du lanuzteek "eragin handia" izan dutela itxaron-zerrendetan, eta jakinarazi du dagoeneko 2.500 pertsona bideratu dituztela hitzartutako kliniketara ebakuntza egitera.
4.487 milioiko salmentak lortu zituen CAFek 2025ean, aurreko urtean baino % 7 gehiago
Larunbat honetan Beasainen egindako Akziodunen Batzar Nagusian eskainitako datuen arabera, 146 milioi euroko mozkin garbia lortu zuen konpainiak 2025ean, aurreko urtean baino % 42 gehiago.
Leire kasuan ikertu duten Jesus Perez Rodriguezek dimisioa eman du Tubos Reunidoseko kontseilari independente gisa
Enpresariak gutun baten bidez aurkeztu du bere borondatez kargugabetzea, bere martxa enpresaren hartzekodunen konkurtsoaren sarrerarekin lotuta, ikertu gisa duen egoera aipatu gabe.
Elon Musk munduko lehen bilioiduna da, SpaceX burtsara atera ondoren
Konpainiaren burtsako kapitalizazioa 2,2 bilioi dolar ingurukoa da. Horrela, Nvidia, Alphabet, Apple, Microsoft eta Amazonen atzetik, AEBko enpresa kotizatu handienen taldean sartu da.
Bizkaiko Foru Aldundiak bere zerga proposamen berria aurkeztu du: kenkariak gimnasioetan eta profesionalak erakartzeko pizgarriak
Foru Aldundiak Foru Arauaren aurreproiektu bat aurkeztu du, kenkari eta zerga pizgarri berriak jasotzen dituena.
Mercedesen Gasteizko lantegia aro elektrikoan sartu da VLE modeloarekin
Alemaniako konpainiak Arabako faktoria aukeratu du bere ibilgailu elektriko berriaren munduko ekoizpena hasteko. Enpresaren etorkizun industrialerako giltzarritzat jo du ibilgailu hori.
SpaceX burtsan kotizatzen hasiko da gaur, inoizko burtsa-irteerarik handienean
Elon Musken enpresa aeroespazialak ostiral honetan egingo du debuta Nasdaq indizean, SPCX etiketarekin eta titulu bakoitzeko 135 dolarreko prezioarekin. 555,6 milioi akzioko eskaintza publikoarekin 75.000 milioi dolar erakarriko ditu, eta inoizko merkaturatze handiena izango da.
Tubacexek aldi baterako lan-erregulazioa ezarriko du Araban, Ormuzko itxieraren ondorioengatik
Enpresak asteartean jakinaraziko die sindikatuei noiz hasiko den eta zenbat iraungo duen erregulazioak.
Euskadin eta Nafarroan egonkor jarraitzen du inflazioak, prezioen igoera arina egon den arren
Maiatzean, % 0,2 hazi da KPIa Euskadin eta % 0,1 Nafarroan, eta urtearteko tasa % 3,2an mantendu da bi erkidegoetan, INEk ostiral honetan argitaratutako datuen arabera.
Errenteria, Etxebizitzaren Premiazko Neurriei buruzko Lege berriari heldu dion lehen herria
Denis Itxaso Eusko Jaurlaritzako Etxebizitza sailburuak pozik hartu du Gipuzkoako Udalaren erabakia, eta nabarmendu du EH Bildu legea "kontrarreforma" gisa izendatzetik udalerriko proiektu nagusietako bat garatzeko erabiltzera igaro dela.