Arrantza debekatuta dago jada Bizkaiko Golkoko frantziar uretan, otsailaren 20ra arte
Frantziako Gobernuak arrantza debekatu du gaurtik, urtarrilaren 22tik, otsailaren 20ra Bizkaiko Golkoko uretan, izurdeak babesteko ernalketa garaian. Espainiako Gobernuak ere iragarri du Bizkaiko Golkoan sare bidezko arrantza debekatuko duela. Hala ere, oraindik ez du zehaztu noiztik nora egongo den indarrean debekua eta zein arrantza-ontziri eragingo dien.
Euskal arrantzaleek haserrea eta kezka erakutsi dute. Izan ere, Ondarroan, esaterako, bi ontzik portuan geratu beharko dute gaurtik aurrera, eta beste bik oso mugatuta izango dute arrantza egiteko eremua.
Hain zuzen ere, euskal arrantzaleak ezingo dira joan legatza, zapoa edo oilarra harrapatzeko eremuetara, eta, ondorioz, eskaintzak behera eta prezioek gora egingo dutela ohartarazi dute. Zehazki, 120.000 kilo arrain gutxiago harrapatuko dutela aurreikusi dute.
Frantziako arrantzaleek galeren % 80 estaltzeko dirulaguntzak jasoko dituzte, baina euskal arrantzaleek salatu dute Espainiako Gobernuak % 25 baino ez diela ordainduko.
Debekua ekologisten eta Europar Batasunen eskaera historikoa zen, izurdeak babesteko.
"Prezioak gora egin dezake"
Bestalde, Arantxa Tapia Garapen Ekonomikoko, Iraunkortasuneko eta Ingurugiroko sailburuak asteburuan azaldu zuen neurriak alturako lau euskal itsasontziri eragingo diela eta balitekeela "prezioak gora egitea".
Tapiak ohartarazi zuen legatzari eragin diezaiokeela gehien, nahiz eta "hornidura faltarik ez" den egongo. "Hori bai, gutxiago harrapatuko denez, prezioak gora egin dezake", gaineratu zuen.
Horren harira, Tapiak aitortu zuen Jaurlaritzak azterketa "sakona" egingo duela eta gertutik jarraituko duela "Pasaiako lonjan gertatzen dena, bertan egin ohi baita arrain mota horren salerosketa handiena".
Debekuak luzatzeko aukeraz galdetuta, sailburuak esan zuen aztertu egin beharko dela "izurdeak babestea eta aldi berean arrantza iraunkorra nola egin daitekeen".
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.