Langile kualifikatuak falta direla ohartarazi du Adegik: ingeniariak, teknika eta zientzia arlokoak, bereziki
Adegik ohartarazi du hurrengo hamarkadan 80.000 pertsona inguruk erretiroa hartuko dutela Gipuzkoan eta ez dagoela horiek ordezkatzeko jende nahikorik lurraldean. Gipuzkoako Jose Miguel Ayerza Gipuzkoako Enpresen Elkarteko zuzendari nagusiaren arabera, pertsonen gabezia orokorra, eta, horren ondorioz, "areagotu" egin da langile kualifikatuak aurkitzearen "erronka". Horren esanetan, ingeniariak eta teknika eta zientzia arloko lanpostuak dira, gehien bat, estaltzea kostatzen ari direnak.
Euskadi Irratiko "Faktoria" saioan egin dioten elkarrizketan Ayerzak nabarmendu duenez, "kanpotik" etorritako pertsonak beharko dira lanpostuak betetzeko.
Espainiako Gobernuak lanbide arteko gutxieneko soldata 1.134 eurora igoko duen honetan, Ayerzak esan du igoera horrek "eragin txikia" izango duela Gipuzkoan. "Guk sinatzen ditugun hitzarmen guztiak soldata minimo horren gainetik daude; zentzu horretan, eragin txikia izango du", azpimarratu du. Soldatak eguneratzea begi onez hartu badu ere, dekretu bidez eta elkarrizketa soziala alboratuta egin izana deitoratu du.
Bestalde, ELAk soldata igoerak eta lan hitzarmen hobeak grebei esker lortu direla esan eta biharamunean, Ayerza atsekabetuta agertu da. Horren esanetan, oinarri sendorik gabeko baieztapena da, uste baitu Gipuzkoako hitzarmenak sinatzeko ez dela grebarik behar izan.
Azkenik, Gipuzkoako ekonomia aurten % 1 eta % 2 artean haziko dela nabarmendu du. Hazkundea sektore guztietan gertatuko dela aurreratu du, gehien bat zerbitzuetan, industrian eta eraikuntzan.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.