Gipuzkoako ekonomia aurten % 1-2 haztea eta 4.500 lanpostu sortzea aurreikusi du Adegik
Aurten, Gipuzkoako barne produktu gordina (BPG) % 1 eta % 2 artean haztea eta lurraldean 3.500 eta 4.500 lanpostu artean sortzea aurreikusi du Eduardo Junkera Adegiko presidenteak. Horren arabera, ia hiru enpresatik batentzat (% 31) absentismoa da kezka nagusia, kopuru hori iaztik hirukoiztu egin baita.
Konfiantzari dagokionez, enpresen % 85en ustez, merkatuaren egoera normaltasunezkoa da edo suspertzen ari da, eta zazpi enpresatik batek, aldiz, uste du atzeraldian dagoela.
Adegik lurraldeko enpresei urtarrilean egindako inkestaren emaitzak aurkeztu dituzte gaur goizean Eduardo Junkera presidenteak, Jose Miguel Ayerza zuzendari nagusiak eta Patxi Sasigain Lehiakortasun arduradunak. Emaitzak iazkoen "antzekoak" direla nabarmendu dute, baina "aldaketa txikiak" izan dira.
Junkeraren esanetan, langile kualifikatuen gabeziak eta laneko kostuen eta soldaten igoerak kezka nagusia izaten jarraitzen du lurraldeko enpresen ia erdientzat (% 45). Horrez gain, absentismoak eragiten duen kezka hirukoiztu egin da urtebetean Gipuzkoako enpresen artean, % 31raino. Ayerzak esan du sektore guztietan "orokortutako" zerbait dela, eta datozen hilabeteetan "zehatz-mehatz" aztertuko dutela.
Halaber, enpresek inbertsio produktiboen beherakada nabarmendu dute, eta zaintzeko moduko faktore bat da. Inbertsioak handituko dituzten enpresen kopuruak bost puntu egin du behera, % 27,5eraino; inbertsioak murriztuko dituzten enpresen kopuruak, berriz, gora egin du.
Zure interesekoa izan daiteke
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.