Gutxieneko soldata 1.134 eurotara igo du Espainiako Gobernuak eta PFEZ zerga ordaintzetik salbuetsita utzi du
Lanbide arteko gutxieneko soldata % 5 igotzea, 1.134 euroraino (14 ordainsari), onartu du Espainiako Gobernuko Ministroen Kontseiluak. Igoera hori 2024ko urtarrilaren 1etik aurrerako atzeraeraginarekin aplikatuko da.
Urtarrilean adostu zuen igoera Lan Ministerioak CCOO eta UGTrekin. Igoerak 2,5 milioi langileri eragingo die zuzenean Estatu espainiar osoan, horietako gehienak gazteak eta emakumeak. CEOE eta Cepyme patronalek ez zuten bat egin itunarekin. 2018tik, % 46,8 igo da lanbide arteko gutxieneko soldata, hilean 344,1 euro.
Horrez gain, Pertsona Fisikoen Errentaren gaineko Zergaren (PFEZ) araudiaren moldaketa bat onartu dute gaurko bileran, eta ondorioz, zerga hori ordaintzetik salbuetsita geratuko dira gutxieneko errenta jasotzen duten herritarrak. Igo egin dute gutxieneko kopurua: 15.876 eurotik beherako soldatei ez zaie atxikipen hori ezarriko.
Ministroen Kontseiluaren osteko prentsaurrekoan, Maria Jesus Montero lehen presidenteorde eta Ogasun ministroak azaldu du zerga-araudia egokitzeko errege-dekretu bat onartu dutela, eta 2024ko aurrekontuetan txertatuko dutela. "Gutxieneko soldata jasotzen duen herritar bakar batek ere ez du PFEZ zerga ordainduko", gehitu du.
Bere aldetik, Yolanda Diaz Espainiako Gobernuko bigarren presidenteorde eta Lan ministroak azpimarratu du "Espainia herrialde hobea" dela gaurtik. "Soldata-arrakala murrizten duen neurria da. Genero ikuspegitik eragin oso garrantzitsua duen neurria da. Ordainsarietan alde handiak dituen herrialde batean, desberdintasuna murriztera datorren neurria da", gaineratu du. Dena dela, onartu du Europako soldatekin parekotasuna lortzeko oraindik lan asko dagoela egiteko.
Halaber, Ministroen Kontseiluak % 0,5eko soldata-igoera gehigarria onartu du langile publikoentzat, 2023rako.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.