Espainiako Gobernuak eta sindikatuek 2024ko gutxieneko soldata % 5 igotzea adostu dute, 1.134 euroraino
Lan Ministerioak CCOOrekin eta UGTrekin adostu du 2024rako lanbide arteko gutxieneko soldata % 5 igotzea, hamalau ordainsaritarako, hileko 1.080 eurotik 1.134 euroraino. Igoera hori 2024ko urtarrilaren 1etik aurrerako atzeraeraginarekin aplikatuko da.
Hala jakinarazi du Joaquin Perez Rey Estatuko Lan idazkariak, gaur goizeko lehen orduan eragile sozialekin egin duen bileraren amaieran, abenduaz geroztik haiekin izandako elkarrizketen ondoren Gobernuak Lanbidearteko Gutxieneko Soldatari buruz hartu duen erabakiaren berri emateko.
CEOE eta Cepyme enpresa-erakundeek ez dute bat egin akordioarekin, eta adierazi dute ez zaiela erantzunik eman kontratu publikoetan gutxieneko soldata indexatzeko eta landa-sektorerako hobariak ezartzeko eskaerei.
CEOE patronalak iragarria zuen akordiotik kanpo geratuko zela. Diaz bi aldeekin bildu zen astelehenean, baina antzua izan zen batzarra. Are gehiago, Lorenzo Amor CEOEko presidenteordeak batzarraren ondotik iragarri zuenez, patronala "ez da akordiora bilduko", eta Gobernua "xantaia" egiten ari dela salatu zuen.
Pedro Sanchezen Gobernuak CCOOrekin eta UGTrekin adostutako 2022ko eta 2021eko gutxieneko soldataren igoerekin ere ez zuen bat egin CEOEk, bai, ordea, 2020ko igoera; orduan hileko 900 eurotik 950 eurora igotzea adostu zen.
Bai Lan Ministerioa, bai CCOO eta UGT prest zeuden % 4ko igoera sinatzeko, baldin eta enpresa-erakundeek hiruko itun batekin bat egiten bazuten. Hala egin ezean, igoera hasierako % 4 hori baino "anbizio handiagokoa" izango zela ziurtatua zuten Ministerioak eta sindikatuek.
Izan ere, 2024ko lanbide arteko gutxieneko soldata % 5 igotzea eskatzen ari ziren sindikatuak, 2023ko 1.080 euroak baino 54 euro gehiago. Hori izan da azkenean adostutako igoera.
Joan den urtearen hasieran, Espainiako Gobernuak eta sindikatuek 2023rako lanbide arteko gutxieneko soldata % 8ko igotzea adostu zuen. Legealdi honetarako konpromisoa da, legez finkatzea, gutxieneko errenta hori beti izango dela batez besteko soldataren % 60ren baliokidea.
Zure interesekoa izan daiteke
KL katealegaiak lantegi inklusibo berri bat jarriko du martxan Arrasaten
KL katealegaiak ekoizpen lantegi berria izango denaren lehen harria jarri du Arrasaten. Ekonomia sozialeko enpresak egun Aretxabaleta eta Bergarako ekoizpen zentroetan egiten duen jarduera Arrasatera lekualdatuko du, eredu lehiakorrago, irisgarriago eta inklusibo baterantz aurrera egiteko.
Dozenaka gizarte eragilek bat egin dute martxoaren 17an gutxieneko soldata propioaren alde egingo den grebarekin
"Euskal Herrian gutxieneko soldata propioa izatea bertan lan egiten dugun eta bizi garen pertsona guztientzako onura dakarren aldarrikapena da", esan dute, Bilbon egin duten agerraldian.
Donostiako taxilariek ohartarazi dute Uberrek hiriarteko zerbitzua eman dezakeela soilik
Roberto Azofrak, Donostialdea Sociedad de Servicios elkartearen presidente eta Agitaxen lehendakariordeak, ikuskapenak egiteko eskatu die udal agintariei, jakinda Uber, legez kanpo, hiri barruan zerbitzuak eskaintzen ari dela.
Felipe Fernandez Aramburu, Uberrek Espainian duen zuzendaria: "Indarrean dagoen araudi guztia betetzen dugu"
Uberrek Espainian eta Portugalen duen zuzendari nagusiak adierazi du "oso pozik" daudela Gipuzkoako hiriburura iritsi direlako. Fernandezek nabarmendu du iaz 300.000 pertsona baino gehiago sartu zirela Uberren aplikazioan Donostian. Administrazio guztiekin lan egiteko prest agertu da, etorkizunera begira esparru juridiko argia ezarri ahal izateko.
Maderas de Llodion 35 langile kaleratzeko erregulazio espedientea legearen kontrakoa dela ebatzi du EAEko Justizia Auzitegiak
Garnica multinazionalak Laudioko (Araba) lantegiko 35 behargin kaleratu zituen urrian, hasiera batean 39 kaleratze aurreikusten zituen arren. Sindikatuek enplegua erregulatzeko espedientearen aurka jarritako demanda aintzat hartu du EAEko Justizia Auzitegi Nagusiak, partzialki bada ere.
Hainbat orduz konektibitaterik gabe izan dira 100.000 enpresa inguru Estatuan, Movistarren intzidentzia batengatik
Matxurak Movistar Enpresen zerbitzuei eragin die goizean goizetik, eta arazoak eragin ditu hainbat lurraldetan, besteak beste, Euskadin.
Donostiara iritsi da Uber enpresaren VTC zerbitzua
VTC zerbitzua ematen duen AEBko konpainiak Donostia barruko zerbitzua eskainiko du, baita Donostiatik hasi zein Donostiara doazen probintzia barrukoak ere.
Tubos Reunidosek aurre-erretiroak eta eta kaleratze hitzartuak eskaini dizkie langileei
Sindikatuek ez dute ontzat eman zuzendaritzaren proposamena, eta barregarritzat jo dute. "Proposamen eskuzabala izango zela esan ziguten, eta dugu halakorik ikusi", esan du Andres Garcia Tubos Reunidosen Amurrioko langileen batzordearen presidenteak.
Papresako langileek lanuzteak hasi dituzte, enpresa sal dezaketelakoan eta laneko erregulazio espedientea ezarriko duelakoan
Enplegu-erregulazioko espedienteak 250etatik 110 langileri eragin liezaieke.
Greba eguna dute Tubos Reunidoseko langileek, eta deialdiek batzordeen eta zuzendaritzaren arteko bilerarekin bat egingo dute
Amurrioko lantegiko beharginek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun horietarako.