Negoziazioek porrot egin ostean, Tuvisako langileek greba mugagabea hasi dute larunbat honetan
Tuvisako langileek greba mugagabea hasi dute larunbat honetan Gasteizko hiri autobusetan, beharginen lan-baldintzak eta zerbitzuaren kalitatea hobetzeko udal enpresako zuzendaritzarekin egin dituzten negoziazioek porrot egin ostean. Larunbateko 14:00etan hasi da greba mugagabea, ELA sindikatuak ostegun honetan jakinarazi zuen bezala.
ELA eta UGT sindikatuetako ordezkariek (hiruna), USO, ESK eta CCOO sindikatuetakoek (bina) eta LABeko ordezkari batek osatzen duten langile batzordeak hauek eskatzen ditu: "Lineako autobusen galera saihestea, Tuvisako pribatizazioak iraultzea, lan-hitzarmen berri bat negoziatzea, benetako lanaldiaren erregistroa egotea eta ALHAOn argitaratzea alderdi sozialekin lortutako akordio guztiak". "Tuvisako langileen osasuna eta zerbitzua hobetzea eskatzen dugu, bai kalitatea bai segurtasuna", azaldu dute; izan ere, arazo larriak salatu dituzte azken hilabeteotan.
ELAren arabera, Tuvisaren zuzendaritzak ostegunean aurkeztutako azken proposamena aurrekoaren "berdina" da, "aldaketa txiki batzuk" gehituta.
Era berean, sindikatuaren hitzetan, Udala "geldirik" egon da lan-gatazkari irtenbidea emateko egin dituzten zazpi batzarretan.
Iñaki Gurtubai Tuvisako presidenteak ohar batean azpimarratu duenez, erakundeak errespetatu egiten du bere langile publikoek grebarako duten eskubidea, eta lan egitea erabakitzen dutenen lan egiteko eskubidea ere errespetatzeko eskatu du. "Gure ustez, ordea, ez dago arrazoirik Gasteizko herritarrentzako zerbitzu publikoa kaltetzen duen greba bat egiteko. Tuvisako langileak dira, alde handiarekin, Udalaren hitzarmen kolektiborik onena dutenak, egunotan agerian geratu den bezala", adierazi du.
Horrela, Tuvisako zuzendaritzak "zentzuz jokatzeko" deia egin du. "Posible da Tuvisako langile publikoen lan-baldintzetan arrazoizko hobekuntzak sartzea, justifikaziorik ez duen greba mugagabe batekin zerbitzu publikoaren erabiltzaileei kalterik eragin gabe", azpimarratu du.
Greba mugagabea gutxieneko zerbitzuetan ez zeuden gidari guzti-guztien jarraipenarekin hasi da, enpresa-batzordearen esanetan. Asier Lopez de Sabando batzordeko bozeramaileak esan du "sumingarria" dela Maider Etxebarria alkateak eta Iñaki Gurtubai Tuvisako presidenteak egoera puntu honetaraino bultzatu izana. Adierazi du ez dutela ulertzen Udalak batzordearen eskaerei jaramonik ez egitea, "lan-baldintza duinak eskatzen ari garenean, osasuna eta zerbitzuaren hobekuntza lehenetsita".
Gaineratu duenez, Tuvisa da Arabako enpresarik "judizializatuena", hain zuzen ere "hitzarmena ez betetzeagatik". Gogorarazi duenez, langileek 30 eguneko oporraldia dute urtero, eta "lotsagabetzat" jo du "urtean 90.000 euro baino gehiago etxera eramaten dituen jendea eta auto ofizialean mugitzen dena gezurretan aritzea plantilla iraintzen", eta langile horiei "pribilegiatuak" deituz.
Ostiral honetan, Tuvisako langileak kalera atera dira, kalitatezko zerbitzua eta lan-baldintza duinak aldarrikatzera:
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.