Bi egunetan 1.777 gaztek eskatu dute emantzipazioa laguntzeko dirulaguntza
48 ordutan 1.777 gaztek eskatu dute emantzipazioa laguntzeko Eusko Jaurlaritzak abian jarri duen laguntza berria. Asteartetik, gurasoen etxea utzi nahi duten 25-29 urte arteko herritarrek 300 euroko dirulaguntza jaso ahal izango dute dute hilero, programan jasotako baldintzak beteta.
Batez beste, Euskal Autonomia Erkidegoan 29,7 urterekin emantzipatzen dira gazteak, Europan baino hiru urte beranduago. 25 eta 29 urte bitartekoen % 32k soilik du etxe bat jabetzan edo alokairuan. Arazoari aurre egiten laguntzeko, Emantzipa laguntza-programa onartu zuen iazko abenduan Gasteizko Exekutiboak, eta asteon sartu da indarrean.
Orain arte aurkeztu diren eskaerei buruzko informazioa azaldu dute, gaur goizean, Jonan Fernandez Trantsizio Sozialaren eta 2030 Agendaren idazkari nagusiak eta Miren Saratxaga Gazteriako zuzendariak. Esan dutenez, eskatzaileen % 52 Bizkaikoak dira, % 33 Gipuzkoakoak eta % 15 Arabakoak. Bestalde, laguntza eskatu duten % 63 emakumeak dira, eta % 37, gizonak.
Aurkeztutako eskabide guztietatik, Jaurlaritzak ondorioztatu du "eskatzaileen % 68,6 alokairuan" emantzipatuko direla, eta "gainerako % 31,4 erositako etxebizitza batean".
"Balorazio positiboa" egin du Fernandezek, eta nabarmendu du Ematzipa programa ez dela "neurri isolatu bat", "gazteen emantzipazioa laguntzeko eta erronka demografikoari aurre egiteko neurri-sistema baten parte bat" baizik. Eskaeren kopurua urte honetan 15.000ra iristea aurreikusten dute.
"Eskaeren erritmoak berretsi egiten du egin genituen estimazioak ondo bideratuta daudela eta halaber Emantzipa laguntzaren kontzeptuak gazteek emantzipazio-prozesuan duten benetako premiari erantzuten diola", gehitu du.
Hemen, laguntzari buruzko informazioa:
Zertan datza?
Hilean 300 euroko zuzeneko laguntza izango da, 25 eta 29 urte bitarteko pertsonentzat. Laguntzak jaso ahal izateko, etxe berean gehienez hiru hartzaile izango dira. Laguntza 24 hilabetez jarraian kobratu ahal izango da.
Laguntzok bateragarriak dira Gaztelagun programarekin, Diru-sarrerak Bermatzeko Errentarekin, Bizitzeko gutxieneko diru-sarrerarekin, etxebizitza gastuetarako prestazio osagarriarekin edota gizarte-larrialdietarako laguntzekin, besteak beste.
Nola eskatu?
Eskaera online edo aurrez aurre eskatu ahalko dira. Zalantzarik izatekotan, WhatsApp bidez erantzungo dizkizute 646 10 91 26 telefono zenbakian. Eskaera internet bidez egiteko B@kQ ziurtagiri elektronikoa izan beharko duzu —Izenperen webgunean eskuragarri—, eta Eusko Jaurlaritzaren egoitza elektronikoan sartu.
Aurrez aurreko eskaeren kasuan, Zuzenenean bulegoetara jo beharko duzu.
Zein dokumentazio aurkeztuta?
- Alokairu edo salerosketaren kontratuaren kopia.
- Alokairu errenta, hipoteka edo mailegu pertsonalaren azken ordainketaren egiaztagiria.
Baldintzak eta bateraezintasunak
- 25 eta 29 urte artean izatea.
- Urteroko errenta 3.000 eta 28.000 euro artekoa izatea.
- Alokairu edota etxebizitza salerosketaren kontratua egiaztatzea.
- Eskaera egin aurretik urtebete gutxienez, EAEko edozein udalerritan erroldatuta egotea, edo azken 10 urteetan Euskadin hiru urtez jarraian erroldatuta egon izana egiaztatzea.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".