Greba egun gehiago deitu dituzte Bizkaiko kiroldegietan otsailaren 28 eta 29rako eta martxoaren 4, 5 eta 9rako

Bizkaiko kirol kudeaketan zerbitzua ematen duten langileek bost greba egun gehiago deitu dituzte otsailerako eta martxorako. Guztira, 2.000 behargin ditu sektore horrek Bizkaian.

"Hitzarmena 2022ko abenduaren 31n iraungi zen, eta negoziazioa luzatzen ari da", ELAk ohar baten bidez salatu duenez. Hartara, abenduko eta urtarrileko greben ondotik, mobilizazioak indartzea erabaki dute, eta otsailaren 28an eta 29an eta martxoaren 4an, 5ean eta 9an planto egingo dute Bizkaiko kiroldegietan.

Asteazken honetan, 11:00etan, elkarretaratzea egingo dute Bilbao Kirolaken, eta ostegunean, 12:00etan, Azkuna Zentrora eramango dute protesta.