Espainiako ekonomia % 0,6 hazten ari da urteko lehen hiruhilekoan, BBVA Researchen arabera
Espainiako ekonomia % 0,6 hazten ari da urteko lehen hiruhilekoan, eta, erritmoa mantenduko balitz, % 2,4ko hazkundea izango luke 2024an, Rafael Domenech BBVA Researcheko ekonomista buruak adierazi duenez.
Espainiako Estatistika Institutuak argitaratutako behin-behineko datuen arabera, Espainiako ekonomia % 0,6 hazi zen 2023ko azken hiruhilekoan, aurreko hiruhilekoan baino hiru hamarren gehiago. Beraz, lehen hiruhilekoaren amaieran barne produktu gordinaren igoera % 0,6koa dela baieztatuko balitz, hazkunde erritmoari eutsiko lioke Espainiako ekonomiak.
RNE Espainiako irrati publikoari eskainitako elkarrizketan Domenech adituak nabarmendu duenez, euriborraren beherakadak eta petrolioaren eta gasaren merkatzeak mesede egingo die Espainiako eta Europako ekonomiari.
Edozein kasutan, aurrera begira "ziurgabetasun" asko daudela ohartarazi du, testuinguru geopolitikoari eta Europan eta AEBn egingo diren hauteskundeei erreferentzia eginez.
Europako Banku Zentralak osteguneko bileran interes tasak jaitsiko ote dituen galdetuta, bere horretan mantenduko dituela uste du ekonomia adituak. Are gehiago, ez du ekainera arte beherakadarik espero.
Zure interesekoa izan daiteke
Espainiako Gobernuak landa eremurako eta garraiorako laguntzak iragarri ditu, Ekialde Hurbileko gerra dela eta
Oraingoz, ez dituzte zehaztu neurriak, ezta noiz onartuko diren ere, baina asmoa "datozen egunetan eta ahalik eta azkarren" onartzea dela ziurtatu dute.
Trapagarango Tubos Reunidoseko langileak enpresaren azken eskaintza bozkatzen ari dira, erreferendumean
Lan erregulazioko espedientearen gaineko negoziazioak sindikatuen arteko zatiketa eragin du, baita ELAren barruan ere; azken horrek du gehiengoa Amurrioko eta Trapagarango lantegietan.
Gizon bat Eusko Legebiltzarreko hesiari katez lotu zaio, martxoaren 17ko greba orokorraren aldeko ekintza batean
Ertzaintzako agenteek askatzeko eskatu diote, eta uko egin dionez, ertzain batek zizaila batekin katea hautsi eta identifikatu egin du. Ekintza horretan, Eusko Legebiltzarraren atartera pilotak bota dituzte, eta LABek deialdiaren arrazoiak gogorarazi ditu, eta gutxieneko soldata propioa izateko pilota Eusko Jaurlaritzaren "teilatuan" dagoela, Bittor Gonzalez LABen ordezkariak azaldu duenez.
Albiste izango dira: Petrolioaren prezioa, Euskadiko ezkutu industrialaren aktibazioa eta greba mugagabea Tubos Reunidosen
Gaurkoan Orain-en albiste izango direnen laburpena, bi hitzetan.
Eusko Jaurlaritzak industria ezkutua aktibatuko du Ekialde Hurbileko gerraren ondorioei aurre egiteko
Industriaren Defentsarako Taldearen bileran, Imanol Pradales lehendakariak iragarri du bere Gobernua "lehen neurri sorta bat" prestatzen ari dela, "egoera luzatu eta zailduko balitz", eta Espainiako Gobernuari eta EBri gauza bera egiteko eskatu die.
Jainagak 2026a urte "katastrofikoa" izango dela aurreikusi du, gerrak eragindako krisi energetikoagatik
Ekialde Hurbileko gerrak beste krisi energetiko bat ekarri du, eta enpresariek ez dute uste laster amaituko denik. Horregatik, neurri "azkarrak eta sendoak" eskatu dituzte, hala nola zergak jaistea eta mendekotasun energetikoa murriztuko duten alternatiben alde egitea.
Energiaren Nazioarteko Agentziak 400 milioi petrolio-upel aterako ditu merkatura erreserba estrategikoetatik
Neurri horren helburua da Ormuzko itsasarteko blokeoak eragindako petrolio-eskaintzaren galera konpentsatzea.
Zer dira IEAren erreserba estrategikoak eta nola erabil litezke krisi honetan?
Energiaren Nazioarteko Agentziako (IEA) kide diren herrialdeek petrolio erreserba estrategikoak dituzte krisi egoerei aurre egin ahal izateko, bereziki, horniduran etenak daudenean. Orain, erreserba horiek erabiltzea onartu du agentziak, Ekialde Hurbilean piztutako gatazka dela eta, merkatuari lasaitasun mezu bat igorri eta presioa jaisteko.
Tubos Reunidosen Amurrioko lantegian greba mugagabea deitu dute martxoaren 16tik aurrera
Lanuztea martxoaren 15eko gaueko txandan hasiko da ofizialki (22:00etan), baina egun horretarako lau orduko lanuztea ere bazegoen deituta aurreko deialdi batean. Hala, igande arratsaldeko 18:00etatik aurrera geldituko litzateke planta.
Angulariek ohartarazi dute jarduera debekatzeak legez kanpoko arrantza areagotzea ekarriko duela
Euskadiko Angularien Elkarteak Eusko Legebiltzarrean salatu duenez, angula-arrantza profesionala debekatzeak ondorio kaltegarriak izan ditzake, arrantzaleek ibaien zaindari gisa jarduten dutelako, eta isurketak, espezie inbaditzaileak eta legez kanpoko harrapaketak detektatzen laguntzen dutelako.