Etxebizitza turistikoetako egonaldiak, gora: otsailean % 23 igo ziren sarrerak
Gero eta turista gehiagok egiten dute etxebizitza turistikoen aldeko hautua EAEn euren egonaldia egiteko orduan. Eustatek hotelak ez diren establezimendu turistikoen artean egindako azken inkestaren arabera, turisten sarrerak % 22,9 igo ziren otsailean (betiere 2023ko hilabete berarekin alderatuta), eta gaualdiak % 5,4. Hori horrela, apartamentu mota horiek —norbanakoek kudeatzen dituztenak ez dira zenbatzen, enpresek kudeatutakoak bakarrik— 9.885 sarrera eta 39.553 gaualdi hartu zituzten.
Igoera handia da hori hotelek otsailean izandako datuekin alderatuta (% 4,4 igo ziren sarrerak). Dena dela, hotelak dira establezimendu turistiko erabiliena (222.106 sarrera eta 408.489 gaualdi). Landa-ostatuentzat ere ez da hilabete ona izan, sarrerak % 3,4 gutxitu baitziren, 5.836raino, eta horrek ere gaualdi kopurua murriztu zuen (12.196).
Etxebizitza turistikoak eta landa-ostatuak erkatuta, lehenengoek datu hobeak dituzte betetze mailari eta batez besteko egonaldiari dagokionez. Hala, % 30 eta 4 egunekoa izan zen otsailean. Landa-ostatuak, berriz, % 13an egon ziren beteta, 2,09 eguneko batez besteko egonaldiarekin. Azken horrek, baina, gora egin zuen 2023ko otsailarekin alderatuta (2,03 egun).
Bada beste datu deigarririk, landa-ostatuetan Espainiako Estatutik etorritako turistak dira nagusi (% 87,6), eta atzerritarrak % 12,4 dira. Etxebizitza turistikoetan, ostera, jatorri bien arteko banaketa orekatuago dago, eta turisten ia herena (% 29,3) atzerrikoak dira.
Azkenik, aterpetxe turistikoetan 8.115 sarrera eta 16.973 gaualdi izan zituzten otsailean. Sarrerek % 3,6 egin zuten behera, eta gaualdiek, aldiz, % 4,6 gora. Batez besteko egonaldia eta betetze maila landa-ostatuen tankerakoa izan zen (2,09 eta % 21ekoa).
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.