Turistek EAEko hoteletan egindako egonaldiak % 4,4 igo ziren otsailean
Turistek Euskal Autonomia Erkidegoko (EAE) hoteletan egindako sarrerak % 4,4 gehitu dira otsailean, iazko epe berarekin alderatuta, eta 222.106 izan dira guztira. Gaualdiek gora egin dute, % 1,9, 408.489 zenbatzeraino.
Eustat Euskal Estatistika Institutuak gaur kaleratu ditu hilero establezimenduei egiten dien inkestaren emaitzak. Opor garaian ez ezik, gainerako hilabeteetan bisitarien kopurua hazten jarraitzen dutela adierazten dute datuok. Urtarrilean ere gora egin zuten sarrerek eta gaualdiek, apur bat gutxiago izan bazen ere (% 3).
Bada beste datu deigarririk: sarreren herena (% 33,7) atzerritik etorri dira, 2023ko otsailean baino % 7,8 gehiago. Gaualdien kasuan, bestalde, are nabarmenagoa izan da atzerritarren presentzia (% 35,4), baina apalagoa igoera (% 6,4koa).
Araba da gehien hazi den lurraldea, sarreretan % 5,9 igota (29.467) eta % 8,6 gaualdi gehiago erregistratuta (65.123). Dena dela, Bizkaiak hartzen ditu turista gehien (100.198 sarrera eta 180.399 gaualdi), Gipuzkoa gertu badu ere (92.441 eta 162.967, hurrenez hurren).
Hiriburuei dagokienez, sarreren kopurua modu berdintsuan igo da Donostian (% 8,6) eta Gasteizen (% 8,5), eta apalagoan, Bilbon (% 2,9).
Hori horrela, betetze maila % 44koa izan da otsailean, plazen arabera neurtuta. 2023ko otsailarekin alderatuta behera egin du pixka bat. Bestalde, batez besteko egonaldia 1,84 egunekoa izan da, iazko otsailean baino zertxobait txikiagoa (1,88 egun).
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.