Langabeziak gora egin du EAEn eta behera Nafarroan, bietan afiliatuen kopurua hazi den arren
Langabe kopuruak gora egin du Euskal Autonomia Erkidegoan (EAE) martxoan, eta behera, Nafarroan, Espainiako Barne Ministerioak emandako datuen arabera. Afiliazioak, baina, balio positiboak eman ditu bi erkidegoetan, antzera hazi baita (% 1,76 eta % 1,62, hurrenez hurren).
Zehatz jarrita, joan den hilabetean 926 pertsona gehiago geratu ziren lan gabe, 2023ko martxoan baino % 2,09 gehiago. Foru Erkidegoan, aldiz, 192 langabe gutxiago zenbatu dituzte, iazko martxoan baino % 3,46 gutxiago. Hori horrela, hilabete amaieran 111.471 pertsona zeuden lan barik EAEn, eta 30.843, Nafarroan.
Madrilekin batera, Espainiako Estatu osoan langabezia igo den erkidego bakarra izan da EAE. Lurraldeka, Gipuzkoan izan da igoerarik handiena, urteko arteko tasa % 4,46koa izanik. Bizkaia da bigarren, % 2,46ko igoerarekin. Araba da portaera onena izan duen lurraldea, % 2,58 jaitsi baita langabe kopurua.
Gizarte Segurantzaren datuei dagokienez, gaur gaurkoz 1.317.942 afiliatu ditu Hego Euskal Herrian (1.012.128 EAEn, eta 305.814, Nafarroan).
Espainiako Estatuan behera egin du langabeziak, eta iazko hilabete berarekin alderatuta, 33.405 pertsona gutxiago zeuden lan barik. Hala, 2,7 milioi langabe ditu Espainiako Estatuak, 2008ko martxotik erregistratutako kopururik txikiena, Ministerioaren arabera.
Dena dela, aurtengo martxoko jaitsiera iazkoa baino txikiagoa da, baina 2022koa baino handiagoa.
Zerbitzu sektorearen bilakaera onak (turismoak eraginda batez ere, Aste Santua martxoan izan baita) eta emakumezkoen langabeziaren jaitsierak lagunduta jaitsi da langabezia martxoan.
Gizarte Segurantzari dagokionez, 193.585 afiliatu berri izan ziren martxoan. Hori horrela, okupatuak 20.901.967 dira, 21 milioiko langatik gertu.
Jaurlaritzak afiliazio datuak balioan jarri ditu
Idoia Mendia Jaurlaritzako Lan eta Enplegu sailburuak nabarmendu duenez, "urtarrilean galdutako ia enplegu guztia bi hilabetean berreskuratu du" EAEk.
Martxoko langabezia eta afiliazio datuak ohar bidez baloratu ditu Mendiak, bigarreni garrantzia emanda. Horren esanetan, "inoizko bigarren datu onenak dira, pandemiaren unerik latzenean baino 74.000 pertsona gehiagorekin".
Dena dela, aitortu du, Aste Santua gorabehera, turismo sektorean gora egin duela langabeziak, baita eraikuntzan ere. Industrian eta lehen sektorean ez da gorabeherarik atzeman, argitu duenez.
Bere aldetik, Mari Carmen Maeztu Nafarroako Gobernuko Eskubide Sozialetako, Ekonomia Sozialeko eta Enpleguko kontseilariak esan du martxoko datuek argi erakusten dutela "kalitatezko enpleguaren eta lan aukera berrien alde" egiten ari diren apostua. "Albiste ona da Nafarroako enpleguarentzat", esan du.
Kontseilari sozialistaren hitzetan, azken hilabeteotako joera berretsi eta "Nafarroan enplegua sortzen" ari dela baieztatzen dute gaur kaleratutako datuek.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.