2023ko errenta-aitorpenaren proposamenak gaurtik onar daitezke Araban eta Gipuzkoan
Martxan dira Araban eta Gipuzkoan 2023ko Errenta kanpainak, eta bi lurraldeetako zergadunek onartu edo aldatu ahal dituzte jada, autolikidazio proposamenak bidalita baitaude.
Araban aitorpena egin behar duten 193.000 pertsonen % 77k autolikidazio proposamena eginda jasoko dute, eta 10etik 7ri dirua itzuliko die Ogasunak; batez beste, 1.220 euro. Aurreko urteotan bezala, behin proposamena jasota (apirilaren 8tik aurrera), zergadunak onartu edo aldatzeko aukera izango du. Onartuz gero, dirua jasotzea egokituz gero, 48 orduko epean jasoko du dagokion diru kopurua.
Proposamenik jaso ez dutenek aitorpena Internet bidez egiteko aukera dute gaurtik, Zergabidearen atarian, eta aurrez aurre egitea nahiago duenak apirilaren 16tik aurrera egin beharko du, Ogasunaren bulegoetan.
Arabako Foru Ogasunak 159,2 milioi euro itzuliko dizkie zergadunei 2023ko errenta-aitorpenaren kanpainan, eta 119,2 milioi biltzea aurreikusi du. Hala, jasotakoaren eta itzulitakoaren arteko aldea 40 milioi eurokoa izango da, iaz baino 15 milioi gehiago.
Gipuzkoan ere, 275.900 zergadunek (iaz baino 6.556 gehiago, % 2,4) Gipuzkoako Foru Aldundiak bidali dien autolikidazio proposamena onartu edo aldatzeko aukera dute gaurtik; horietatik, 195.050 zergadunek dirua bueltan jasoko dute, eta 80.850ek, berriz, ordaindu egin beharko dute.
Uztailaren 1ean amaituko da Gipuzkoan Errenta Aitorpenaren kanpaina. Apirilaren 11tik aurrera, errenta telematikoa hasiko da, Zergabidea plataformaren bidez. Errenta mekanizatua egiteko epea apirilaren 16tik ekainaren 7ra izango da, eta aurrez aurreko hitzordua apirilaren 12tik aurrera eskatu ahalko da.
Gipuzkoako Ogasunak 358 milioi euro itzuliko ditu aurten errenta-aitorpenaren kanpainan, eta 305 milioi euro jasotzea aurreikusten du; hortaz, ia 53 milioiko saldoa izango da zergadunen mesedetan. 415.000 errenta-aitorpen jasotzea espero du, aurreko urtean baino 15.000 gehiago.
Pentsiodunak
Araban, Auzitegi Gorenaren 20/2024 ebazpenaren araberako murrizketak ezarrita, aurtengo kanpainan, 1978 baino lehen lan mutualitateetan kotizatu zuten 30.000 bat pentsiodunei kalkulatu diete euren errenta proposamena, azken ebazpen hori ere kontuan hartuta.
Gipuzkoan ere, Ogasunak azken 35 urteak hartuko ditu kontuan 1979 baino lehen mutualitate batean kotizatu zutenei dagokien Pertsona Fisikoen Errentaren gaineko Zergaren murrizketa kalkulatzeko, 2024an Auzitegi Gorenak emandako epaiaren ondotik. Hala, gutxi gorabehera 40 milioi euro itzuliko zaizkie orotara 100.000 pentsiodun gipuzkoarri.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.