Gipuzkoako Ogasunak 358 milioi euro itzuliko ditu aurtengo errenta-kanpainan
Gipuzkoako Foru Ogasunak 385,4 milioi euro itzultzea aurreikusten du 2023ko errentaren kanpainan, eta 305 milioi jasotzea. Hortaz, itzuli beharrekoa bildutakoa baino gutxiago izango da, ia 53 milioi, hain zuzen ere.
Jokin Perona Gipuzkoako Ogasun eta Finantza diputatuak bi arrazoi eman ditu saldo negatiboa izango dela azaltzeko: batetik, 2021ean eta 2022an familiei eta autonomoei laguntzeko hartutako neurriak iaz indartu egin zirela; bestetik, Auzitegi Gorenak emandako epaiaren ondotik, 1979a baino lehen mutualitateetan kotizatu zuten pentsiodunei dirua itzuli behar zaiela.
Guztira, Gipuzkoako Ogasunak 415.000 errenta aitorpen jasotzea espero du, aurreko urtean baino 15.000 gehiago. Halaber, 275.900 autolikidazio proposamen bidaliko ditu, iaz baino 6.556 gehiago (% 2,4). Orotara, 195 050 zergadunek dirua bueltan jasoko dute eta 80.850ek, berriz, ordaindu.
2023. urteari dagokion errenta kanpaina apirilaren 8an hasi eta uztailaren 1ean amaituko da Gipuzkoan. Datorren astelehenetik aurrera autolikidazio proposamenak onartuko ahalko dira, atzotik Ogasunaren webgunean ikusgai daudenak eta gaurtik posta bidez bidaltzen hasi direnak.
Apirilaren 11tik aurrera, errenta telematikoa hasiko da Zergabidea plataformaren bidez.
Errenta mekanizatua egiteko epea apirilaren 16tik ekainaren 7ra izango da, eta aurrez aurreko hitzordua apirilaren 12tik aurrera eskatu ahalko da.
Pentsiodunak
Ogasunak azken 35 urteak hartuko ditu kontuan 1979 baino lehen mutualitate batean kotizatu zutenei dagokien PFEZaren murrizketa (Pertsona Fisikoen Errentaren gaineko Zerga) kalkulatzeko, 2024an Auzitegi Gorenak emandako epaiaren ondotik.
Peronaren arabera, gutxi gorabehera 40 milioi euro itzuliko zaie 100.000 pentsioduni.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.