Langabezia subsidioaren inguruan akordioa itxi dute Espainiako Gobernuak eta sindikatuek
Langabezia subsidioaren inguruan akordioa erdietsi dute Espainiako Gobernuko Lan Ministerioak eta UGT eta CCOO sindikatuek, CEOE eta Cepyme patronalen babesik gabe. Ituna ezinbestekoa zen Europako funtsen laugarren ordainketa jasotzeko: 10.000 milioi euro.
Goizean eman dute akordioaren berri, ohar bidez, eta eguerdian sinatu bi aldeek: Yolanda Diaz Lan eta Ekonomia Sozialerako ministroak izenpetu du, batetik, eta Unai Sordo eta Pepe Alvarez CCOO eta UGT sindikatuetako idazkari nagusiek, hurrenez hurren, bestetik.
Atzo egun osoa bilduta egon ondoren, Elkarrizketa Sozialaren Mahaiak iluntzean lortu zuen legea erreformatzeko testua ixtea. Urtarrilean Kongresuak atzera bota zuen langabezia subsidioaren erreforma, eta ordukoarekin alderatuta, baditu zenbait nobedade arau berriak. Besteak beste, bateragarriak izango dira denbora jakin batean enplegua izatea eta langabezia subsidioa edota langabeziagatiko prestazio kontributiboa jasotzea.
Hauek dira gako nagusiak:
- Gehienez 180 egunez bateragarria izango da langabezia subsidioa jasotzea (diru kopurua murriztu gabe) eta, aldi berean, lan-kontratu bat izatea. Era berean, posible izango da, baita ere, aldi berean langabezia-saria jasotzea eta lan-kontratu bat izatea; kasu horretan, baldintza da langabezia saria gutxienez urtebetez jasotzen egotea.
- Langabezia subsidioa jasotzeko izapide administratiboak malgutu egingo dira; langabezia-saria amaitutakoan, ez da hilabete egon beharko subsidioa eskatzeko. Neurri hori aurreko erreforman ere jasota zegoen.
- Langabezia subsidioa jasotzen duten 52 urteko herritarrei ezarriko zaien kotizazio-oinarria lanbide arteko gutxieneko soldataren % 125ean mantenduko da. Lehendabiziko erreforman kotizazio-oinarria murriztea proposatzen zen, eta horrek eragin zuen, besteak beste, Podemosek kontra bozkatzea.
- Subsidioaren zenbatekoari dagokionez, aurreko erreforman hitzartutakoa mantenduko da: egungo 480 eurotik 570 eurora igaroko da prestazioa zenbatekoa lehen sei hilabeteetan, 540 eurora hurrengo sei hilabeteetan, eta hortik aurrera, egungo 480 eurotan mantenduko da.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".