150 milioi euroko isuna ezarri diete Ryanair, Vueling, Easyjet eta Voloteari, kabinako maleta kobratzeagatik
Espainiako Kontsumo Ministerioak 150 milioi euroko isuna ezarri die kostu baxuko lau aire konpainiari —Ryanair, Vueling, EasyJet eta Volotea—, kabinako maleta kobratzeagatik, Ser irrati kateak aurreratu duen informazioaren arabera.
Kontsumo Ministerioko iturriek baieztatu dutenez, iazko udan zehapen espedienteak zabaldu zizkien kontsumitzaileen eskubideen aldeko hainbat elkarteren salaketaren ondotik.
Elkarte horiek aire konpainia horien abusuzko praktikak ikertzeko eskatu zuten, besteak beste, eskuko maleta kabinan eramatearen truke dirua kobratzea. Halaber, txartelaren prezioan sartu ohi ziren beste zerbitzu batzuengatik ere gainkostua ezartzen dute; adibidez, adin txikikoen edo menpeko pertsonen kasuan, beste bidaiari baten ondoan esertzeagatik. Halaber, aireportuetan eskudirutan ordaintzen ez uztea izan da beste arrazoietako bat, eta baita zerbitzuaren azken prezioari buruzko gardentasun falta ere.
Hala ere, Espainiako Kontsumo Ministerioak ezarritako zigorra ez da irmoa eta errekurritu daiteke. Behin bide hori agortuta, auzitara jo dezakete konpainiek.
Bestalde, Facuak gogorarazi du kontsumitzaileek eskubidea dutela gainkostu horiengatik ordaindutako dirua itzultzea eskatzeko.
Bidaiariak "behar ez dituzten" zerbitzuengatik ordaintzera "behartu" nahi dituztela salatu dute
Hegazkin konpainiak ordezkatzen dituen Aire Lineen Elkarteak (ALA) nabarmendu duenez, Kontsumo Ministerioaren erabakiak "kalte egingo die" zenbait zerbitzuren beharrik ez duten kontsumitzaileei.
Patronalak egindako kalkuluen arabera, 50 milioi bidaiari inguruk bidaiatzen dute kabinako maletarik gabe eta aulki azpian eramaten duten motxila txiki batekin bakarrik. Gauzak horrela, horiek ezingo dute "ezinbesteko zerbitzuengatik bakarrik ordaindu", eta erabiltzen ez dituzten zerbitzuak kontratatzera "behartuko" dituzte.
Kabinako maleta kobratzea praktika "guztiz legezkoa" dela defendatu du aipaturiko elkarteak, eta Europako legediak hegazkin konpainiei tarifak onartzeko askatasuna ematen diela gaineratu du.
Dena dela, ezarritako zigorren aurkako helegiteak aurkeztu daitezkeela gogoratu du.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).