ELAk salatu du Lehen Arretan urtean 180 egunetan ezartzen direla murrizketa zuzenak
Osakidetzan, Lehen Arretan urtean 180 egunetan murrizketak daudela salatu du ELA sindikatuak, ez soilik opor sasoian, eta nabarmendu du osasun-etxeen itxierak eta ordutegi murrizketak 10 zentrotik seiri eragingo diela. Gainera, sindikatutik esan dute aurten hilabete lehenago aplikatuko direla murrizketa horiek, ekainetik irailera, lau hilabetez.
Esther Saavedra Osakidetzako arduradunak astelehen honetan eskainitako prentsaurrekoan azpimarratu duenez, "Osakidetzako osasun-zentroen itxiera eta ordutegien murrizketa ohiko bihurtu da azken urteetan udan, baita Gabonetan eta Aste Santutako hilabeteetan ere".
Halaber, murrizketa horiek "urtetik urtera handiagoak" direla adierazi du eta denboran gehiago irauten dutela. Hala, Osasun Sailari egotzi dio "erabaki politikoagatik egiturazkoa den arazo bat konpontzeko neurri bakar bat ere" hartu ez izana"
Saavedrak zehaztu du Osakidetzak emandako datuen arabera, ekaina eta iraila bitartean 339 zentrotatik 126tan ezarriko direla murrizketak. Horrez gain, gogorarazi du 2022an udako murrizketak uztailetik aurrera aplikatzen zirela, eta aurten "hilabete lehenago" hasi direla, ekainean, hain zuzen ere.
Osasun etxeei dagokionez, Bidasoako eta Errioxako ESIetan, lehen aldiz ezarriko dira murrizketak aurtengo udan, sindikatuaren arabera, eta Bilbo-Basurtu ESIn iaz baino % 10 murrizketa gehiago egingo dira. Lau hilabete horiei Gabonetako eta Aste Santuko murrizketak gehitu behar zaizkiela gogorarazi du eta, beraz, haien kalkuluen arabera, lehen arretako zentroek urtean 180 egunez izango dituzte murrizketak.
Gainera, erretiroei aurre egiteko plan baten faltan, ELAk gogorarazi du egoerak okerrera egingo duela hemendik aurrera; izan ere, langileen batez besteko adina 50 urtekoa da.
Gauzak horrela, ohartarazi du egoera horrek okerrera egingo duela neurriak hartzen ez badira; izan ere, "legegintzaldi berri baten atarian, Osakidetza duela 4 urte baino okerrago dago", azpimarratu du. Horren guztiaren aurrean, sindikatuak egoera horri aurre egiteko plan bat eskatu dio gobernu berriari.
Zure interesekoa izan daiteke
Dieselaren litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.