Euskadiko hotelen salneurria % 14 hazi da maiatzean eta Estatuko batez bestekoaren (% 8,1) gainetik kokatu da
Euskadiko hotelen prezioa % 14 igo da maiatzean, Estatuko batez bestekoaren oso gainetik (% 8,1ekoa izan da). Nafarroan, berriz, igoera askoz apalagoa izan da, % 2,8koa, hain justu, Estatistikako Institutu Nazionalak (INE) argitaratutako datuen arabera. Horrela, Foru Erkidegoa Estatuko batez bestekoaren azpitik kokatu da, igoera txikiena izan duen erkidegoa bihurtuz.
Euskal Autonomia Erkidegoan eguneko batez besteko tarifa 122.84 eurokoa izan da maiatzean, hau da, urte arteko % 14,3ko igoera izan du. Oro har, prezioak % 13,97 igo dira aurreko urtearekin alderatuta.
Estatu espainiarrari dagokionez, hotelen prezioek % 8,1 egin dute gora maiatzean, inflazioaren oso gainetik, apirilean nolabaiteko motelaldia izan eta gero, % 4ko igoerarekin.
INEk astelehen honetan argitaratutako datuen arabera, oro har, hotelen prezioek gorakada oso nabarmena izan dute 2021eko ekainaz geroztik, hau da, pandemiaren ondotik.
Euskadiko hoteletako gaualdiak % 7,12 egin dute gora eta % 7,7 Nafarroan
Euskadiko hoteletako okupazioak, berriz, % 7,12 egin du gora maiatzean, 2023ko hil berarekin alderatuta. Aipatzekoa da Euskal Autonomia Erkidegoko hoteletan egonaldiak egin dituztenen % 45 espainiar Estatutik etorritakoak izan zirela, guztira 301.555 pertsona, eta % 54,69, berriz, 364.041 pertsona, atzerritik etorritakoa izan zirela.
Nafarroan gaualdiek 2023ko maiatzarekin alderatuta % 7,7 egin dute gora. 191.899 pertsonak egin dituzte egonaldiak Foru Erkidegoko ostatuetan.
2024ko lehen bost hilabeteetan gaueko egonaldien kopurua % 1,9 hasi da aurreko urteko aldi beraren aldean, Nastat-Nafarroako Estatistika Institutuak emandako datuen arabera.
Espainiar Estatutik etorritako turistak % 63,4 izan dira, eta turista nafarrak, berriz, % 10,4. Bidaiari gehienak Madrilgoak, Kataluniakoak eta Euskadikoak izan dira.
Albiste gehiago ekonomia
LABek "udazken beroa" iragarri du patronalarentzat, EAErako LGS propio bat negoziatzea onartzen ez badu
Igor Arroyo LABeko koordinatzaile nagusiak adierazi duenez, patronalak 1.500 euro gordineko LGS ezartzeko proposamena "blokeatzen" jarraitzen badu, LABek "gatazkak sortuko ditu mahaiz mahai diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.