Langile bat oso larri zauritu da Bilboko Portuan, Haizea Wind enpresan izandako istripu batean
Langile bat oso larri zauritu da ostiral honetan Haizea Wind enpresan, Santurtziko Portuko instalazioetan, izandako istripuan, ELAk ohar baten bidez jakinarazi duenez.
Ezbeharra 10:30ean gertatu da, eta, sindikatuak bildutako datuen arabera, langilea makina kurbatzaile batean ari zen lanean, piezaren eta makinaren artean harrapatuta geratu denean.
Sindikatuak "askotan" salatu ditu langileek lan egiteko dituzten segurtasun-baldintza "txarrak", eta bereziki salatu ditu arrisku handiko makina horretan erabiltzen diren lan-prozedurak; izan ere, 20 eta 30 tona arteko piezak kurbatzea eta erabilitako prozedurak "ez dira egokiak lan-osasunaren ikuspuntutik".
Langileak 50 urte ditu, azpikontrata bateko langilea da eta oso denbora gutxi zeraman makina horretan lanean. Sindikatuak zehaztu duenez, 28 langile hil dira 2024an Hego Euskal Herrian lan-istripuen ondorioz. Zehazki, Bizkaian sei dira, eta makinek edo piezek harrapatutakoak lau.
ELAk salatu du prekarietateak "eragin oso negatiboa" izan duela lantokietan, eta "lan-baldintzak urtetik urtera okerragoak" direla. Ildo horretan, "langileen bizitza eta osasuna arrisku larrian" jartzea leporatu dio patronalari, "ekoizpenaren onurak handitzeko".
Kamioilairi nafarra hil da
Bestalde, asteazkenean Idiazabalen (Gipuzkoa) izandako istripuan zauritutako bi kamioilarietako bat egun horretan bertan hil zen zaurien ondorioz. Zaurituak Nafarroako Unibertsitate Ospitalera eraman zituzten, bat helikopteroz eta bestea anbulantziaz.
Istripua 14:50ean gertatu zen, N-1 errepidean, Madrilerako noranzkoan. Errepidea bi orduz itxita egon zen bi noranzkoetan.
Zure interesekoa izan daiteke
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.