Bilboko metroak 37 tren berri izango ditu 2028tik aurrera
Eusko Jaurlaritzak eta Bizkaiko Foru Aldudiak 736 miloi euroko inbertsioa egingo dute erdibana Bilboko Metroa modernizatzeko. 30 urte betetzear dagoen honetan eta 100 milioi bidaiariko langa gainditzear dela, urrats berri bat eman eta etorkizuneko Bilboko metroa prestatzen hasteko unea dela adierazi dute bi erakundeek astelehen honetan.
Bost bagoidun 37 tren berri izango ditu metroak 2028tik aurrera, eta garraio azpiegitura hau abian jarri zenetik martxan dauden trenak ordezkatuko dituzte. Inbertsio honi esker bidaiari kopurua %12 haziko da, berrikuntzak maiztasun eta gaitasun handiagoa emango baitio metroari.
Aurretik zeuden tren unitateak ordezkatzeaz gainera, segurtasuna hobetze aldera, aginte postu zentralizatua eguneratu eta seinaleztapen-sistema modernizatuko dute eta elektrizitate kontsumoa %35 murriztea aurreikusten da, urtean milioi t'erdi euro aurreztuz. 2033rako izango da flota guztia erabat eraberritua. Inbertsio honi esker, gainera, trenen maiztasuna hobetzea ere lortuko da.
Elixabete Etxanobe Bizkaiko Diputatu Nagusiak bi administrazioen arteko elkarlana nabarmendu du: "Datozen hamarkadetako metroa prestatu behar dugu: seguruagoa, gaitasun handiagokoa, egungo eta etorkizuneko eskarietara egokitua, eta are jasangarriago eta efizienteagoa izango den metroa".
Halaber, metroaren berrikuntzak eskatzen dituen jomugak aipatu ditu: tren modernoak, seinaleztapen- eta komunikazio-sistema berria eta aginte-postu eguneratua: "Ekimen horretan batera arituko gara Bizkaiko Foru Aldundia eta Eusko Jaurlaritza".
Imanol Pradales lehendakariak, bestalde, adierazi du metroa Bizkaiko garraio-sisteman ezinbesteko elementua dela eta Euskadin erreferentea dela. "28 urte beteko ditu eta 37 unitate berritzea funtsezkoa da", adierazi du.
Albiste gehiago ekonomia
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.