Gipuzkoako Foru Aldundiak berretsi du AHTaren lotunea Ezkio-Itsasotik egitea "herri apustua" dela
Nafarroa eta EAEren arteko AHTren lotura nondik izango den oraindik ofizialki esan ez badute ere, Oscar Puente Garraio eta Mugikortasun Iraunkorreko ministroak ostegun honetan lotunea ia seguru Gasteiztik barrena egingo dela esan ondotik, Irune Berasaluze Gipuzkoako Foru Aldundiko bozeramaileak irmo defendatu du Ezkio-Itsasoko aukera, "herri apustua" dela berretsiz. Hala, Espainiako Gobernuaren ustezko "iritzi aldaketa" kritikatu du.
"Gure apustua argia da, bai lurralde bezala bai herri bezala", adierazi du Berasaluzek, eta gaineratu du dagoeneko Ezkio-Itsasoko geltokia "bukatzear edo bukatuta" dagoela eta ez luketela ulertuko "inongo aldaketarik" zentzu horretan.
Hala, Mendozak duela aste gutxi esandako hitzak berretsi ditu, eta gogoratu du aspalditik dutela bilera eskatuta Jose Antonio Santano Estatuko Garraio idazkariarekin, inongo erantzunik gabe, eta orain, Puenteren hitzen ondotik, Garraio Ministroarekin ere hitzordua eskatuko dutela.
Ministeriotik oraindik erabaki ofizialik hartu ez duten arren, Oscar Puente Garraio eta Mugikortasun Iraunkorreko ministroa Iruñean izan da gaur goizean Maria Chivite Nafarroako presidentearekin AHTaren jarraipena egiteko, eta horren ondoren hitz egin du.
Ezkio-Itsasoko proiektuak eragozpenak eta arazo teknikoak dituela esan du Puentek, eta bi arazo tekniko aipatu ditu Ezkioko alternatibari lotutakoak. Batetik, esan du udal eta jabe partikular batzuk ez dutela baimenik eman zundaketa hidrogeologikoak egiteko, eta hori gabe ibilbide hori aukera gisa kontuan izatea ere ezinezkoa dela.
Bestetik, Abiadura Handiko Trenak puntu zehatz batean martxa alderantzikatu beharko lukeela azaldu du eta horrek konplexutasun teknikoak dituela batetik eta bestetik, eta eragina izango luke ibilbidearen iraupenean.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek BPGren % 2,1eko hazkundea aurreikusten du 2026rako Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioaren eta enpleguaren dinamismo txikiagoa espero du Confebaskek 2026rako.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.