Puentek adierazi du Gasteizkoa dela aukerarik "onargarriena" AHTa Nafarroarekin lotzeko
Abiadura Handiko Trenak Euskal Autonomia Erkidegoaren eta Nafarroaren artean duen lotura nondik igaroko den ezezaguna da oraindik. Mahai gainean, ezagutzen diren bi aukerek jarraitzen dute: Gasteizko loturak edo Ezkiokoak. Xehetasunetan sartu gabe, gaur Oscar Puente Espainiako Gobernuko Garraio eta Mugikortasun Iraunkorreko ministroak Arabako aukeraren alde egin du, eta ziurtatu du gaur egun "aukerarik onargarriena" dela.
Ostegun honetan Iruñera egingo duten bisitan, Garraio ministroak adierazi du "lanean" jarraituko dutela AHTa Euskal Autonomia Erkidegoarekin lotzeko, baina onartu du Ezkio-Itsasoko loturarekin arazoak daudela.
Hala, Puentek azaldu du "zundaketa hidrogeologikoak" egitea, esaterako, ezinezkoa izan zaiela, zenbait udalek baita partikular batzuk ere horretarako baimenik ez dutelako eman, eta, horrek, lana asko zaildu diela.
Gainera, garraio ministroaren esanetan, Ezkio-Itsasoko zatian trenak bidearen puntu jakin batean "atzera" egin beharko luke zerbitzua eman ahal izateko, eta horrek, bere esanetan, "arazo teknikoak" dakartza, baita denbora arazoak ere.
Gauzak horrela, "paperaren gainean onargarriena" Gasteizko aukera dela iritzi dio Espainiako Gobernuko Garraio ministroak.
Arabako eta Gipuzkoako aldundiak, banatuta
Gauzak ondo bidean azken erabakia hilabete honen amaieran jakingo da, baina oraindik eztabaida pil-pilean dago. Puente ministroaren hitzei erantzunez, Irune Berasaluze Gipuzkoako Foru Aldundiko bozeramaileak ziurtatu du orain arte esandakoari eusten diotela eta Ezkio-Itsasoren aukera "herri apustu bat" dela.
Ezkio-Itsasoko konexioak Donostia eta Iruñea arteko bidea 25 minututan laburtzen zuela ziurtatu zuen Mendozak duela egun batzuk, eta paisaian ere inpaktu txikiagoa zuela lotunea Gipuzkoatik egiteko aukera.
Berasaluzek jakitera eman duenez, zain daude Jose Antonio Santano Estatuko Garraio idazkariarekin bilera bat egiteko, baina oraindik ez dute datarik.
Joseba Telleria Ezkio-Itsasoko alkateak, berriz, hil honen hasieran Radio Euskadin baieztatu zuenez, inork ez die kontsultarik egiten, eta "dena airean" dagoela.
Bestalde, Ramiro Gonzalez Arabako ahaldun nagusia "oso lasai" dago, txosten teknikoek Arabako hiriburuaren aldeko apustua egingo dutela uste baitu.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".