EAEko etxebizitza turistikoek 31.589 bisitari hartu zituzten abuztuan, iaz baino ia % 21 gehiago
Euskal Autonomia Erkidegoko (EAE) etxebizitza turistikoetan 31.589 bisitarik hartu zuten ostatu abuztuan, eta 96.710 gau igaro zituzten, hau da, % 20,9ko eta % 16,1eko igoerak, hurrenez hurren, 2023ko hilabete berarekin alderatuz gero.
Ostatu horietako sarreren % 47,2 eta ostatu-gauen % 43,4 atzerriko turistek egindakoak dira, abuztuan urtebeteko % 38 eta % 28,8ko igoerak izan ondoren, hurrenez hurren.
Batez besteko egonaldia 3,06 egunekoa izan zen, 2023ko abuztukoa baino laburragoa (3,19 egun). Araban 8,02 egunekoa izan zen batez besteko egonaldia, Gipuzkoan 3,51 egunekoa eta Bizkaian 2,48 egunekoa.
Aterpetxeak
EAEko turismo-aterpetxeei dagokienez, aurtengo abuztuan, bisitariak % 15,2 areagotu ziren; guztira, 39.102 izan ziren, eta 66.323 gau pasa zituzten. Bizkaian 40.069 gau igaro zituzten, Gipuzkoan 25.002 eta Araban 1.253. Aterpetxeetako egonaldiaren batez besteko iraupena 1,70 egunekoa izan zen.
Landetxeak
Bestalde, landetxeek 25.471 bisitari hartu zituzten, % 5,4 gehiago, eta turistek 94.663 gau igaro zituzten bertan, 2023ko abuztukoan baino % 3,7 gehiago.
Aurreko urteko abuztuaren aldean % 2,1 jaitsi ondoren, bisitari atzerritarrak nekazal turismoetan % 26,4 izan dira. Gauen kasuan, atzerritarrek igarotakoak % 22,7 izan ziren; 2023ko abuztuaren aldean % 1eko igoera da hori .
Lurraldeka, Araban bisitariak % 7,4 areagotu ziren. Bizkaian eta Gipuzkoan, aldiz, % 8,6 eta % 7,3 egin zuten behera, hurrenez hurren.
Ostatu-gauei dagokienez, Gipuzkoan % 1,2 hazi ziren, Araban urte batetik bestera % 12,9 jaitsi ziren eta Bizkaian % 6,9, Eustat Euskal Estatistika Erakundeak jakitera eman duenez.
Establezimendu mota horretan batez besteko egonaldia 3,72 egunekoa izan zen, 2023ko hilabete bereko 3,65 eguneko batez besteko egonaldia baino handiagoa.
Datu horiek guztiak aurreko astean Eustatek hotelei buruz eman zituenei gehitu behar zaizkie. Hotelek 426.038 turista jaso zituzten abuztuan, hau da, 2023ko hilabete berean baino % 3,6 gehiago. Horietatik erdiak baino gehiago (% 53,4) atzerritarrak izan ziren.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.