Garraiolari lesakar bat bihotzekoak jota hil da Irunen, kamioia kargatzen ari zela
Astelehenean, Irunen (Gipuzkoa), 56 urteko garraiolari lesakar bat, Transportes Etxetrans 2000 enpresako langilea, bihotzekoak jota hil zela gaur salatu du LABek. Ondorioz, sektore horretan hamaika behargin hil dira aurten Euskal Herrian, 2023an baino gehiago, hamar hildako izan baitziren.
Sindikatu abertzaleak gogorarazi duenez, joan den ekitaldiko ezbehar txostenaren arabera, lan-istripuek eragindako heriotzen % 33 ez-traumatikotzat jotzen dira, eta kopuru hori % 75era iristen da garraiolarien kasuan.
"Horrek adierazten du garraiolarien lan-baldintzek eragin zuzena dutela bihotzekoetan, sektorea gero eta prekarioagoa delako", adierazi du LABek, eta deia egin du kamioilari nafarraren heriotza salatzeko deituko diren mobilizazioetan parte hartzeko.
Prekarietatearekin eta patronalaren inpunitatearekin amaitzeko beharra nabarmendu du sindikatuak. "Erakundeek ezin dute beste aldera begiratzen jarraitu, bestela gertatutakoaren konplize izango dira", gaineratu du LABek.
Sindikatu abertzaleak azpimarratu duenez, garraio-sektoreko lan-baldintzak "oso eskasak dira: lanaldi luzeak, estresa, presioa, garraioagatik ordaintzen den lansari baxua, lan-baldintzen ondorioz osasuntsu elikatzeko zailtasunak, adinaren eragina".
Horregatik, "garraioaren sektorean gertatzen diren lan-istripu gehienak ekidin" daitezkeela uste du, eta horretarako "borondate politikoa baino ez da behar garraiolarien lan-eskubideak bermatu eta errespetatuko dituzten neurriak jartzeko, baita erakunde publiko eta enpresa guztien inplikazioa bermatzeko ere".
Zure interesekoa izan daiteke
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.