Donostian etxetik botako dituzten bi maizterren "babesgabetasuna" salatu dute
Gipuzkoako Kaleratzeak Stop elkarteak bi maizter "zaurgarriren babesgabetasuna" salatu du, Donostian sukaldea izateko eskubidea duten alokairu-geletatik botako dituztelako.
Donostiako Boulevardean emandako prentsaurrekoan, Kaleratzeak Stop elkarteak adierazi du bi pertsona horiek "sukaldea izateko eskubidea duten logeletan baino ezin dutela bizi, urte bateko edo biko kontratuekin, eta indarrean dauden legeek arautzen ez dituztela".
"Donostian, gaur egun, hilean 600 eurorainoko alokairuak ordaintzen ari dira gela bakoitzeko", salatu du elkarte horretako kide Rosa Garciak, eta agerraldian egotea eskertu die Elkarrekin Podemos-IUko batzarkideei, Gipuzkoako hiriburuko EH Bilduko zinegotziei, LAB eta STEILAS sindikatuei, eta Satorralaia eta Caritas Altza-Larratxo gizarte-eragileei.
Zehaztu duenez, "Javier (57 urte ditu, eta ez du baliabiderik) eta Fernando (72 urte ditu, eta Diru-sarrerak Bermatzeko Errentarekin osatutako kotizazio gabeko pentsio bat jasotzen du) sukaldea izateko eskubidea duten logeletatik ateratzear daude, aldi baterako kontratuak amaituta".
"Javierren kasuan, urriaren 31rako ezarritako etxegabetze-agindu bat du, zaurgarritasun baldintzak bete eta Gizarte Zerbitzuen txostena izan arren, Donostiako Lehen Auzialdiko epaitegi batek baztertu egin baitu 8/2023 Errege Lege Dekretuak arautzen duen abenduaren 31ra arte maizter zaurgarrien etxegabetzeak eteteko eskaera", esan du. "Gela-kontratua ez duela legeak arautzen" esan omen diete.
"Azkenean, etxegabetzea bertan behera geratu da ofiziozko abokatuak jarritako helegitea ebatzi arte", nabarmendu du Garciak. Gaineratu duenez, "Javierrena apirilaren 1ean bukatutako ahozko kontratua da, eta Fernandorena, bi urtekoa, urriaren 9an".
"Biak logelako etxebizitzan erroldatuta daude, zaurgarritasun egoera egiaztatuan daude eta Groseko eta Alde Zaharreko gizarte-zerbitzuek artatzen dituzte", zehaztu du.
Kaleratzeak Stop elkarteko bozeramailearen hitzetan, "egoera onartezina da, jabe asko Estatuko Etxebizitza Legearen alokairuen mugak aplikatzetik ihes egiteko erabiltzen ari diren linbo legal batean harrapatuta baitaude".
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.