Hidrogeno berdearekin lotutako teknologiak erosten dituzten enpresek % 30eko kenkariak izango dituzte
Hidrogeno berdea sustatzeko teknologiak martxan jartzeko inbertsioek % 30eko kenkaria izango dute aurrerantzean Sozietateen gaineko Zergan. Kenkariok EAEn egoitza fiskala duten enpresei aplikatuko zaizkie abenduaren 26tik aurrera, orduan sartuko baita indarrean Teknologia Garbien Euskal Zerrenda berria, Jaurlaritzak eguneratu ostean.
Mikel Jauregi Industria, Trantsizio Energetikoa eta Jasangarritasun sailburuak prentsaurrekoa egin du gaur gobernu bileraren osteko agerraldian, eta bertan eman du tresna fiskal horren nondik norakoen berri. Zerga baliabideak trantsizio berdea sustatzea du helburu eta, aldi berean, teknologia garbietako inbertsioa azeleratu eta enpresei laguntza eman jarduera ekonomikoa sortzeko. Jaurlaritzaren azken xedea da "deskarbonizazio zuhurra" burutzea.
Sailburuaren hitzetan, "teknologia garbien zerrenda berria palanka bat izango da industria berria sortzeko, gure enpresak lehiakorragoak izateko eta deskarbonizazioaren aldeko apustuan aurrera egiteko, 2050erako neutraltasun klimatikoaren helburuari begira".
Zerrenda eguneratuan zortzi teknologia berri erantsi dituzte: bost, hidrogeno berdea sustatzeko, eta gainerakoak, elektrifikaziorako. Gainera, dokumentutik kendu dituzte jada zaharkituta dauden eta inbertsiorik ez zuten teknologia batzuk. Guztira, 64 teknologia jasotzen dira zerrendan. Horien artean, energia berriztagarrietako 11 teknologia daude, ekonomia zirkularreko 19 eta zero kutsadurako 29.
Jauregik zehaztu duenez, baina, "zerrenda malgua" izango da, eta urtero berrituko dute. Hala, iragarri du hainbat teknologia aztertzen ari direla datorren urtean zerrendara gehitzeko.
Zure interesekoa izan daiteke
Gipuzkoan, hiru kontrataziotik bi goi-mailako ikasketak dituzten pertsonentzat izango dira
Unibertsitatera joan direnek edo graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostu hutsak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.